نرخی نەوت 100 دۆلاری تێپەراند

SNN-

سوتەمەنییە شلەکە، کە سەرچاوەی یەکەمی وزەیە لە جیهاندا نرخەکەی بەردەوام لە گۆڕاندایە و لە بەرزبوونەوەیەكی مێژووییدا و بەهۆی بەردەوامی ئاڵۆزییەكان لە رۆژهەڵاتی ناوەڕاست و گەمارۆی سەر گەرووی هورمز، بەراورد بە دوێنێ هەریەکە لە نەوتی خاوى برێنت و تەکساسی ئەمەریکیش بەرزبونەوەیان تۆمار کرد و بەرمیلێک نەوتی برێنت لە سەرو 100دۆلارەوە مامەڵەی پێوەدەکرێت.

ئەمڕۆ هەینی، بەهۆی گرژییەکانی ناوچەکەوە و داخستنی گەری هورمز، نرخی نەوت بەرزبونەوەی بەرچاوی تۆمارکردوە و بەراورد بە هەمان کاتی دوێنێ، بەرمیلێک نەوتی خاوی برێنت لە بازاڕەكانی جیهان بە 100 دۆلار و54 سەنت مامەڵەی پێوە دەکرێت.

هاوكات، نرخی بەرمیلێک نەوتی رۆژئاوای تێكساسیش بە 65 دۆلار و 59 سەنت لە بازاڕەکاندا مامەڵەی پێوە دەکرێت.

ئەمەش لە کاتێکدایە، ماوەی جەنگی نێوان ئەمریکا – ئیسرائیل و ئێران نزیکدەبێتەوە لە دوو هەفتە و چاوەڕوان دەکرێت زیاتریش درێژە بکێشێت