تەرزە و بارانی بەخوڕ و هەورە بروسکەی بەهێز دەبێت

SNN

هەڤاڵ سدیق گەڵۆزی شارەزای کەشناسی بە SNNی راگەیاند، چەقی شەپۆلی باران بارین و لافاوەکە لە دوا نیوەڕۆی ئەمڕۆوە دەستپێدەکات و تاکو بەرەبەیانی سبەینێش بەردەوامی دەبێت، پێشبینی دەکرێت زۆرترین بڕی بارانبارین لە هەولێر و دهۆک و سۆران و راپەڕین وگەرمیان و سلێمانی و کەرکوک ببارێت، ناوبەناو ئەگەری چالاکبوونی هەورە بروسکەی بەهێز هەیە، هەوری سوپەرسێڵیش دروست دەبێت، کە زۆرترین بڕی بارانبارین دەبارێت.

ئاماژە بەوەدەکات، ئەمڕۆ لە هەندێک شوێن هەوری سوپەرسێڵ دروست دەبێت و ئەگەر دروستبوونی لافاو و بارانی بەلێزمە لە ناوچە جیاوازەکانی هەرێم روودەدات، خێرایی باش زیاد دەکات و ئەگەری هەیە ئەو زیادبوونی خێراییەی با تەپوتۆزی ناوخۆی لەگەڵ خۆی بهێنێت، ئەگەر بارینی بەفریش لە ناوچە شاخاویە سنورییەکان ببارێت.

سەبارەت بە وادەی کۆتایهاتنی ئەم شەپۆلە روونیکردووەتەوە، تاکو بەرەبەیانی رۆژی دووشەممە لەسەر سێشەممە بمێنێتەوە دواتر لە رۆژی سێشەممە و چوارشەممە ئاسایی دەبێتەوە و لە ئێوارەی رۆژی پێنجشەممەوە دەستپێدەکاتەوە.

دەڵێت “بڕی بارانبارین دەگۆڕێت لە هەندێک ناوچە بۆ 100 بۆ 200 ملیم تێپەڕبکات بەڵام لە قۆناغی دووەمدا ئەگەری هەیە تا 300 ملیم باران ببارێت، لەگەڵیدا تەرزەی بەخوڕ و قەبارە بچوک و مامناوەند دەبارێت، لە هەندێک ناوچەش تەرزەی قەبارە گەورە دەبارێت، بارانی بەلێزمەشی لەگەڵدا دەبێت”.