نەوزاد شێخ كامیل بۆ هاووڵاتیان: تەنها بەشی پێداویستی خۆتان كاڵا بكڕن وقەرەباڵغی دروست مەكەن
نەوزاد شێخ كامیل، بەڕێوەبەری گشتی بازرگانی لە وەزارەتی بازرگانی و پیشەسازی حكومەتی هەرێم | فۆتۆ: SNN
عەلی حەمەسەعید-SNN
بەڕێوەبەری گشتیی بازرگانی لە وەزارەتی بازرگانی و پیشەسازیی حكومەتی هەرێم ئاماژەبەوەدەكات، بۆ ڕۆژانی جەژن و كڕینی پێداویستییەكان واباشترە كە هاووڵاتیان تەنها بڕی پێویست كاڵا بكڕن و لەماركێت و بازاڕەكان قەرەباڵغغی دروستنەكەن، هاوكات دڵنیایی دەداتە هاووڵاتییان كە بڕێكی یەكجار زۆر لە كاڵا و خۆراك لە كۆگاكاندا هەیە.
نەوزاد شێخ كامیل، بەڕێوەبەری گشتی بازرگانی لە وەزارەتی بازرگانی و پیشەسازی حكومەتی هەرێم بە SNNی راگەیاند: لەم بارودۆخەی هاتووەتە ئاراوە بەتایبەت كە ئەم چەند ڕۆژە هاووڵاتیان سەرقاڵ دەبن بە كڕینی پێداویستییەكانی ڕۆژانی جەژنەوە واباشترە كە تەنها بەقەدەر پێداویستی خۆیان شمەك و كاڵا بكڕن و قەرەباڵخی لە ماركێتەكاندا دروست نەكەن، چونكە دروستكردنی قەرەباڵغی دەرفەت بۆ هەندێك دووكاندار و بازرگان دەڕەخسێنێت كە نرخخەكان بەرز بكەنەوە.
ئاماژەی بەوەشكرد، لە ئێستادا هیچ مەترسییەك لەسەر نەمانی كاڵا لە كۆگاكاندا نییە و ڕۆژانە بە دەیان بارهەڵگر و كۆنتێنەر دێنە نێو هەرێمی كوردستان و بارەكانیان دادەگرن، لەلایەكی دیكەوە ههیچ مەترسییەكیش نییە بۆ نەمانی كاڵا لەڕێگەی هاوردەكردنەوە، چونكە زۆرینەی دەروازەكانی عێراق و هەرێمی كوردستان لەگەڵ وڵاتانی دەوروبەر بەكراوەیی ماونەتەوە و هیچ گرفتێكیان نییە.
بەڕێوەبەری گشتی بازرگانی جەختی لەوەشكردەوە، ئەگەر هاووڵاتیان پەنا ببەن بۆ كڕینی ڕێژەیەكی زۆر لە كاڵاو شەمەك كە لەپێداویستی خۆیان زیاتربێت ئەوا لەلایەك پشوێوی لە بازاڕەكان دروست دەبێت و نرخخ بەرز دەبێتەوە، لەلایەكی دیكەشەوە كڕینی ڕێژەیەكی زۆر لە كاڵاو شەمەك مەترسی خراپ بوونی لەسەر دەبێت كە ئەوەش جارێكی دیكە دەبێتە زیان بۆ هاووڵاتیان.
