ئەکسیۆس: ئەمریکا بیر لە داگیرکردنی دوورگەی “خارک”ی ئێران دەکاتەوە

SNN-
ماڵپەری ئەکسیۆس بڵاویکردووەتەوە کە ئیدارەی ترمپ تاوتوێی پلانێک دەکات بۆ کۆنترۆڵکردن یان گەمارۆدانی دوورگەی “خارک”ی ئێران، بە مەبەستی گوشار خستنە سەر تاران بۆ دووبارە کردنەوەی گەرووی هورمز.

کۆشکی سپی و پێنتاگۆن تاوتوێی ناردنی هێزی زیاتر بۆ ناوچەکە دەکەن لە ئایندەیەکی نزیکدا.

بەپێی ڕاپۆرتە نوێیەکانی ئەکسیۆس و سەرچاوە هەواڵییە نێودەوڵەتییەکان، ئەم هەنگاوە لە چوارچێوەی گرژییە سەربازییەکانی ئەم دواییەی نێوان ئەمریکا و ئێراندایە.

دوورگەی خارک نزیکەی %90 ی هەناردەی نەوتی خاوی ئێران لەخۆ دەگرێت. کۆنترۆڵکردنی ئەم دوورگەیە بە واتای پەکخستنی تەواوی ئابووری ئێران دێت.

دەشڵێت: واشنتن دەیەوێت ئێران ناچار بکات گەرووی هورمز بکاتەوە کە لە ئێستادا بەربەستی بۆ دروست کراوە و بووەتە هۆی بەرزبوونەوەی نرخی وزە لە جیهاندا.

باس لەوە دەکرێت یەکەکانی مارێنز (U.S. Marines) ئامادەکاری دەکەن بۆ ئەگەر هەر ئۆپەراسیۆنێکی وشکانی یان گەمارۆیەکی دەریایی بۆ سەر دوورگەکە.