عەباس عێراقچی: گەروی هورمز تەنها بەسەر دوژمناندا داخراوە

SNN –
عەباس عێراقچی، وەزیری دەرەوەی ئێران، لە نوێترین لێدوانیدا سەبارەت بە گرژییەکانی ناوچەکە و هەڵوێستی وڵاتەکەی ڕایگەیاند، ئێران ئامادە نییە هیچ جۆرە ئاگربەستێک قبوڵ بکات کە ببێتە هۆی دووبارەبوونەوەی سیناریۆکانی ساڵی ڕابردوو.

ئاگربەست و کۆتایی جەنگ

عێراقچی دەڵێت:”ئێمە ئاگربەست ناپەرێزین، چونکە نامانەوێت ئەزموونە تاڵەکانی ڕابردوو دووبارە ببنەوە، بەڵام پێشوازی لە هەر دەسپێشخەرییەک دەکەین کە ببێتە هۆی کۆتاییهێنانی هەمیشەیی و گشتگیر بە جەنگ، بەو مەرجەی گەرەنتی هەبێت و قەرەبووی زیانەکانی ئێران بکرێتەوە”.

داخستنی گەروی هورمز

وەزیری دەرەوەی ئێران سەبارەت بە داخستنی گەروی هورمز وتیشی:”تەنگەی هورمز لە ڕوانگەی ئێمەوە کراوەیە، بەڵام تەنها بەڕووی ئەو کەشتیانەدا داخراوە کە سەر بە دوژمنانمانن یان ئەو وڵاتانەی هێرشیان کردووەتە سەرمان”.

سەپاندنی جەنگ

عێراقچی جەختیکردەوە کە جەنگ بەسەر ئێراندا سەپێنراوە و لە کاتێکدا هێرشیان کراوەتە سەر کە سەرقاڵی دانوستان بوون، وتیشی: “ئەمریکا ئامادە نییە دەستدرێژییەکانی ڕابگرێت، بۆیە ئێمەش تا هەر کاتێک پێویست بکات لە بەرگریکردن لە خۆمان بەردەوام دەبین”.