ئەمریکا مۆڵەتێکی 30 ڕۆژی بۆ فرۆشتنی بەشێک لە نەوتی ئێران دەرکرد
ئاڵاى وڵاتى ئێران | فۆتۆ: AFP
SNN-
وەزارەتی گەنجینەی ئەمریکا بڕیارێکی نوێی سەبارەت بەو نەوتە ئێرانییە دەرکرد کە ئێستا لەناو کەشتییەکاندا بارکراوە و ڕێگەی دا بۆ ماوەی 30 ڕۆژ ئەو بڕە نەوتە بفرۆشرێت، بەڵام جەختی کردەوە کە ئەمە بە واتای کەمکردنەوەی سزاکان نایەت.
وردەکاریی بڕیارەکەی وەزارەتی گەنجینە:
مۆڵەتی کاتی
بڕیارەکە تەنها ئەو نەوتە دەگرێتەوە کە ئێستا لەناو کەشتییەکاندا بارکراوە ، نەک گرێبەستی نوێ.
پاکتاوکردنی مامەڵەکان
ئامانجی ئەم هەنگاوە ڕەخساندنی دەرفەتە بۆ کۆمپانیاکان تا ئەو مامەڵانەی پێشتر دەستیان پێکردووە، کۆتایی پێ بهێنن.
سزاکان بەردەوامن
واشنتن ڕایگەیاندووە کە ئەمە گۆڕانکاریی ستراتیژی نییە و سزاکانی سەر کەرتی وزەی ئێران وەک خۆیان توندن.
