سەرۆککۆماری ئێران: دوژمنان ناتوانن ناچار بە خۆدەستەوەدانمان بکەن

SNN –

مەسعود پزشکیان، سەرۆککۆماری ئێران لە لێدوانێکی نوێدا ڕايگەیاند کە جەنگ لە بەرژەوەندیی هیچ لایەنێکدا نییە و جەختی کردەوە دوژمنان بە هیچ شێوەیەک ناتوانن لە ڕێگەی هەڕەشە و جەنگەوە تاران ناچار بە خۆدەستەوەدان بکەن.

پزشکیان ئاماژەی بەوەشکرد کە ئێران بە هێز و ورەیەکی بەرزەوە ڕووبەڕووی درۆ، بانگەشە ناڕاستەکان و داواکارییە زیادەڕۆییەکانی دوژمنان دەبێتەوە.

سەرۆککۆماری ئێران جەختیشی کردەوە، وڵاتەکەی هەوڵی چارەسەرکردنی کێشەکان لە ڕێگەی دیالۆگ و گفتوگۆوە دەدات، لەو چوارچێوەیەشدا ڕابەری باڵای ئێران ڕێگەی داوە و هەندێک دەسەڵاتی بە حکومەت بەخشیوە بۆ ئەنجامدانی گفتوگۆکان.