ڕێکارەکانی ناردنی مووچەی مانگی 10 کۆتایی هات

SNN

ناردنی مووچەی مانگی 10ی فەرمانبەران و مووچەخۆرانی هەرێمی کوردستان لە قۆناغی کۆتاییدایە و بڕیارە بە زووترین کات بخرێتە سەر هەژماری وەزارەتی دارایی هەرێمی کوردستان.

پێشتر ئەحمەد حاجی ڕەشید، پەرلەمانتاری فراکسیۆنی کۆمەڵی دادگەری لە پەرلەمانی عێراق ڕایگەیاندبوو، مووچەی فەرمانبەران لە فەرمانگەی بودجە تەواو بووە و بریارە بەزووترین بکات بخرێتە سەر هەژماری وەزارەتی دارایی هەرێم.

وەزارەتی دارایی عێراق جیاواز لە سیاسەتەکانی وەزیری پێشووی دارایی، لەبری چاوەڕوانکردنی ناردنی 120 ملیار دینار داهاتی نانەوتی لەلایەن حکومەتی هەرێمی کوردستانەوە، خۆیان پارەکە دەبڕن و ئەوی دیکە ڕەوانە دەکەن، بۆیە رێکارەکانی ناردنی مووچەی فەرمانبەران بە خێرایی تەواو دەکرێت و پارە دەخرێتە سەر هەژماری دارایی هەرێمی کوردستان.