تەسنیم: لەسەرەتای جەنگەوە 39 پاڵاوگەی نەوت و وزە لە 9 وڵاتی ناوچەکە کراونەتە ئامانج

SNN-

ئاژانسی هەواڵی “تەسنیم”ی نزیك لە سوپای پاسدارانی ئێران ئاشکرای کرد، لە سەرەتای دەستپێکردنی گرژییە سەربازییەکانی ئەمریکا و ئیسرائیل دژی تاران، هێزەکانی ئێران وەک وەڵامدانەوە هێرشیان کردووەتە سەر دەیان پێگەی ستراتیژیی وزە لە ناوچەکەدا.

ئاژانسەکە دەشڵێت: لەسەرەتای جەنگەوە تاوەکو ئیستا لانیکەم 39 پاڵاوگەی نەوت، کێڵگەی غازی سروشتی و بنکەی تری وزە کراونەتە ئامانج.

ئاماژەی بەوەشکردووە ئەم پێگانە لەناو خاکی 9 وڵاتی جیاوازی ناوچەکەدان کە میوانداریی بەرژەوەندییەکانی ئەمریکا و هاوپەیمانەکانیان کردووە.

دەشڵێت: بەشێک لەو پێگانەی زیانیان بەرکەوتووە لەناو خاکی عێراقدان، ئەمەش وەک وەڵامێک بۆ ئەو بنکە و دامەزراوانەی کە واشنتن بەکاریان دەهێنێت.