کەشناسی هەرێم: لێزمە باران دەبارێت

SNN
کەشناسی هەرێم پێشبینییەکانی بۆ 48 کاتژمێری داهاتوو بڵاوکردەوە و ڕایگەیاند کە شەپۆلی بارانبارین کۆتایی نەهاتووە، بارانی پچڕ پچڕ دەبارێت و لە هەندێک ناوچەش دەبێتە لێزمە باران

بارودۆخی کەشوهەوا بۆ ئەمڕۆ هەینی 3-4-2026

بەگشتی ئاسمان هەوری باراناوی دەبێت , نمە باران و بارانی مامناوەند بە پچڕپچڕی لە زۆربەی ناوچەکان بەردەوامی دەبێت بەتایبەت لەناوچە شاخاوییەکان کە هەندێک کات ئەگەری لێزمە بارانی دەبێت . کاریگەری نا سەقامگیری کەش بەردەوامی دەبێت بۆ کاتەکانی درەنگانی شەو زیاتر لەناوچەکانی رۆژهەڵات پارێزگاکانی ( سلێمانی و هەڵەبجە ) وە تاکو کاتەکانی بەیانی شەممە دەمێنێتەوە.

پێشبینییەکانی کەشوهەوا بۆ سبەی شەممە 4-4-2026

ئاسمان هەوری تەواو دەبێت . ئەگەری بارینی کەمێک نمە باران هەیە لە کاتەکانی بەیانیدا بە تایبەت لە ناوچە شاخاویەکان و ناوچە سنووریەکان, خێرایی با لە نێوان 10 بۆ 25 کم لە کاتژمێرێکدا دەبێت و ئاراستەکەی بەرەو باکووری ڕۆژئاوا دەگۆڕێت، مەودای بینینیش لە نێوان 7 بۆ 9 کم دەبێت.

ئاستی پلەکانی گەرما لە شار و ناوچە جیاوازەکان

پلەکانی گەرما بۆ ئەمڕۆ هەینی نزیک دەبێتەوە لەپلەکانی دوێنێ، بەجۆرێک بەرزترین پلەکان بەم شێوەیەیە: هەولێر 19، سلێمانی 17، دهۆک 18، هەڵەبجە 17، گەرمیان 21، پیرمام 16، سۆران 17، زاخۆ 18 و حاجی ئۆمەران 11 پلە.