کۆبوونەوەی شاندی دانوستانکاری هەرێم لەگەڵ تەیف سامی دەستیپێکرد

SNN-

شاندێکی حکومەتی هەرێم بۆ بابەتی پرسی مووچە و کەمکردنەوەی داهاتی نانەوتی و پرسی سیستمی ئەسیکۆدا لەگەڵ تەیف سامی لە کۆبوونەوەدان.

ماڵپەڕی بەغداد یەوم لە زاری چەند سەرچاوەیەکەیەوە لە بەغدا رایگەیاندووە، ئەمڕۆ دووشەممە کۆبوونەوەی شاندی دانوستانکاری هەرێم کە پێکدێن لە ئومێد سەباح و ئامانج رەحیم و عەبدولحەکیم مستەفا لە بەغدا دەستیان بە کۆبوونەوە کردووە لەگەڵ تەیف سامیدا.

ئاماژە بەوەکراوە، تەوەری سەرەکی کۆبوونەوەکە گفتوگۆ دەبێت لە بارەی هەوڵدان بۆ یەکخستنی سیستمی گومرگی و چارەسەرکردنی کێشەکانی هەناردەی نەوت و کۆکردنەوەی داهاتە نانەوتییەکان.

هاوکات، تەوەرێکی دیکەی گفتوگۆکە تایبەت دەبێت بە قسەکردن لەسەر 120 ملیار دینارەکە کە بڕیارە هەرێم مانگانە بۆ حکومەتی بەغدای بنێرێت، بەڵام بەهۆی نالەباری دۆخی ناوچەکە هەرێم داوا دەکات تەنها 60 ملیار بنێرێت.