وادەی دابەشكردن و بڵاوكردنەوەی لیستی مووچەی مانگی 3 راگەیەندرا
مووچە بودجە
عەلی حەمە سەعید-SNN
دوای ئەوەی ئەمڕۆ وەزارەتی دارایی عێراق ڕەزامەندیدا بە خخەرجكردنی پارەی مانگی ـی3 فەرمانبەرانی هەرێم، وابڕیارە هەر ئەمڕۆ نوسراوی گواستنەوەی پارەكە بۆ سەر ژمارە حسابی بانكی هەرێم ئاراستەی لقی هەولێری بانكی ناوەندی بكرێت، هاوكات ڕۆژی یەك شەممەش دەستبەدابەشكردنی مووچە دەكرێت.
بەگوێرەی ئەو زانیارییانەی كە بەرپرسێكی وەزارەتی دارایی بە SNNی داون ئەوە خراوەتەڕوو، سەرجەم ڕێكارەكانی ناردنی پارەی مووچەی مانگی سێی فەرمانبەرانی هەرێم بە كۆتا گەیشت و هەر ئەمڕۆش وەزارەتی دارایی عێراق ڕەزامەندی خەركدرنی پارەكەی دەركرد، هاوكات وابڕیارە هەر ئەمڕۆش نوسراو ئاراستەی لقی هەولێری بانكی ناوەندی بكرێت.
ئاماژەی بەوەشكرد، ئەگەر ئەمڕۆ فریا بكەون نوسراو ئاراستەی لقی هەولێری بانكی ناوەندی بكەن، ئەوا بە ئەگەری زۆرەوە هەر ئەمڕۆ پارەكە دەخرێتە سەر ژمارە حسابی بانكی هەرێم و تەنها ئەوە دەمینێتەوە كە لیستی مووچە ڕابگەیەندرێت و دەستبكرێت بە دابەشكردنی مووچە.
بەرپرسەكەی وەزارەتی دارایی ئەوەشی وت، بەدڵنیاییەوە ئەگەر ڕۆژی شەممە دەستنەكرێت بە دابەشكردنی مووچە ئەوا شەممە لیستی مووچە بڵاو دەكرێتەوە و ڕۆژی یەك شەممە مووچە دابەشدەكرێت و هاوشێوەی مانگەكانی ڕابردوو لەماوەی سێ بۆ چوار ڕۆژ مووچەی سەرجەم فەرمانبەران دابەشدەكرێت.
