وەزارەتی دارایی هەرێم: رۆژی یەکشەممە دەستبە دابەشکردنی مووچە دەکەین

SNN

وەزارەتى دارایی هەرێمى کوردستان، ڕایگەیاند، وەزارەتى دارایى عێراق، بڕى 957 ملیار و 122 ملیۆن دینارى وەک شایستەى مووچەى فەرمانبەران و مووچەخۆرانى هەرێمى کوردستان بۆ مانگى ئازار خستە سەر هەژمارى بانکیی وەزارەتەکەیان لە لقى هەولێرى بانکى ناوەندى عێراق

ئەمڕۆ خشتە ڕادەگەیێندرێت ؟

وەزارەتى دارایی هەرێمى کوردستان، لە ڕاگەیێندراوێک دا، ئاماژەى بەوەکردووە، بەهۆی ئەوەی پارەکە لە کۆتایی دەوامی فەرمی بانکی ناوەندی عێراق داخڵی سەر هەژماری بانکی وەزارەتمان بووە، وەرگرتنی پارە لە لقی هەولێری بانکی ناوەندی عێراق دەکەوێتە ڕۆژی یەک شەممە و ڕاستەوخۆ هەمان ڕۆژ دوای وەرگرتنی پارەکە دەست بەدابەشکردنی مووچە دەکرێت.

وەزارەتی دارایی عێراق بەشێک لە تەمویلی نەناردووە

هاوکات لە ڕاگەیێندراوێکى دیکەیدا، وەزارەتى دارایی و ئابوورى هەرێمى کوردستان، ئەوەى ئاشکراکردووە، هاوشێوەی مانگەکانی ڕابردوو لەگەڵ گەیشتنی تەمویلی موچەی مانگی ئازار وەزارەتی دارایی حکومەتی فیدڕاڵ بڕی 21 ملیار و 407 ملیۆن و 595 هەزار دینارى لە تەمویلی مووچەی مانگی ئازار نەناردووە کە بریتییە لە شایستەی مووچەی مانگەکانی ڕابردووی خانەنشینانی شارستانی و سەربازی.