سلێمانی؛ هەڵمەتێکی فراوانی دابەشکردنی غاز دەستپێدەکات: ڕۆژانە 20,000 بوتڵ دەگاتە گەڕەکەکان

SNN-

ئەنجوومەنی کارگەکانی غاز لە سلێمانی ڕایگەیاند، بۆ کۆنترۆڵکردنی نرخ و دابینکردنی پێداویستیی هاووڵاتییان، هەڵمەتێکی چڕی دابەشکردنی غازی ماڵان دەستپێدەکات.

کۆچەر تاهیر، سەرۆکی ئەنجوومەنی کارگەکانی غاز لە سلێمانی ڕایگەیاند، لە ڕۆژانی (شەممە، یەکشەممە و دووشەممە) هەڵمەتێکی بەرفراوان بۆ گەیاندنی غاز بۆ ناو سەرجەم گەڕەک و کۆڵانەکان بەڕێوەدەچێت. بەپێی وتەی ئەو بەرپرسە، ڕۆژانە زیاتر لە 20,000 بوتڵ لە ڕێگەی بریکارەکانەوە دابەش دەکرێت.

پشکی سلێمانی و وردەکاریی کێش و نرخ
لەبارەی بڕی غازی دابینکراو، ڕوونکرایەوە کە ڕۆژانە 12 تانکەر غاز (هەر تانکەرێک 20 تۆن) پشکی پارێزگای سلێمانییە لە کۆی ئەو 35 تانکەرەی بۆ هەرێمی کوردستان دابین دەکرێت.

گرنگترین زانیارییەکان بۆ هاووڵاتییان:

نرخی بوتڵ: 8,500 دینار (جێگیر کراوە).

کێشی بوتڵ: 12 کیلۆگرام.

بڕی غاز: 26 لیتر لە هەر بوتڵێکدا.