سێنتکۆم: کەشتییەکی فڕۆکە هەڵگری ئەمریکا گەمارۆیی دەریایی لە دەریای عەرەبدا جێبەجێ دەکات

SNN-

فەرماندەیی ناوەندیی ویلایەتە یەکگرتووەکانی ئەمریکا “سێنتکۆم” ئەمڕۆ یەکشەممە رایگەیاند، کەشتیی نیشتنەوەی “یو ئێس ئێس راشمۆر” (USS Rushmore) لە ئێستادا سەرقاڵی جێبەجێکردنی ئۆپەراسیۆنی دەریاییە لەسەر ئێران لە ناوچەی دەریای عەرەب.

سێنتکۆم لە بەیاننامەیەکدا کە لە ئێکس بڵاویکردەوە، کە دەریاوانان و هێزەکانی مارینز لەسەر پشتی کەشتیی “راشمۆر” ئەرکەکانی گەمارۆدان لە ناوچەی ئاماژەپێکراو جێبەجێ دەکەن.

لە بڵاوکراوەیەکی دیکەدا، سێنتکۆم ئاماژەی بەوەکردووە کە تێکشکێنەری موشەکی ڕێنماییکراوی “یو ئێس ئێس پینکنی” (USS Pinckney) دەوریەی چڕ لە ئاوە هەرێمییەکاندا ئەنجام دەدات بۆ پاڵپشتیکردنی ئەم ئۆپەراسیۆنانە.

ڕوونیشی کردەوە، کە ئەم گەمارۆیە بووەتە هۆی ڕاوەستانی تەواوەتی جووڵەی بازرگانی دەریایی بۆ ئێران و بەپێچەوانەشەوە.

ئەم جوڵە سەربازییانەی ئەمریکا دوای ئەوە دێت کە ئێران دوێنێ شەممە دووبارە گەرووی هورمزی داخستەوە و رایگەیاند کە کۆنترۆڵکردنی گەرووەکە گەڕاوەتەوە بۆ دۆخی پێشووی خۆی و لەژێر چاودێری توندی هێزە چەکدارەکانی ئێراندایە.