کەشناسی هەرێم: ئەمڕۆ ئەگەری لێزمەباران و تەرزە هەیە و پلەکانی گەرما نزم دەبنەوە

SNN

بەهۆی بەردەوامی ناسەقامگیری کەشوهەوا، ئاسمانی ناوچەکانی هەرێمی کوردستان بە هەوری دەمێنێتەوە و پێشبینی دەکرێت لە زۆربەی شوێنەکان تاوە باران و هەورە تریشقە دەستپێبکاتەوە.

ناسەقامگیری کەشوهەوا و بارانی بەخوڕ

بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، بۆ ئەمڕۆ دووشەممە 20-04-2026، ئاسمانی هەرێم بە گشتی هەور دەبێت و تاوە باران و بروسکە زۆربەی ناوچەکان دەگرێتەوە. لە هەندێک کاتدا پێشبینی لێزمەباران و بارینی تەرزە دەکرێت، بەڵام لە کاتەکانی شەودا کاریگەری دابارین لاواز دەبێت. مەودای بینین لە کاتی بارانباریندا 4 بۆ 6 کیلۆمەتر کەمدەبێتەوە.

پلەکانی گەرما و باری با بۆ ئەمڕۆ

پلەکانی گەرما بەراورد بە دوێنێ بە 2 بۆ 4 پلە نزم دەبنەوە. خێرایی با لە نێوان 10 بۆ 20 کم لە کاتژمێرێکدا دەبێت و هەندێک کات بۆ سەرووی 25 کم لە کاتژمێرێکدا چالاک دەبێت، ئاراستەکەشی بە گۆڕاوی دەمێنێتەوە. بەرزترین پلەکانی گەرمای پێشبینیکراو بۆ ئەمڕۆ بەم شێوەیەیە:

هەولێر: 20 پلە

سلێمانی: 19 پلە

دهۆک: 17 پلە

کەرکووک: 22 پلە

هەڵەبجە: 20 پلە

گەرمیان: 22 پلە

زاخۆ: 18 پلە

سۆران: 18 پلە

پیرمام: 17 پلە

حاجی ئۆمەران: 12 پلە

کەشی پێشبینیکراو بۆ سبەی سێشەممە

بۆ سبەی سێشەممە 21-04-2026، ئاسمانی هەرێم بە نیمچە هەوری دەمێنێتەوە، بەڵام لە ناوچە شاخاوییە سنوورییەکان ئاسمان هەوری تەواو دەبێت. لە کاتەکانی بەیانی تاوەکو دوای نیوەڕۆ، ئەگەرێکی لاوازی تاوە باران و بروسکە لە ناوچە جیاجیاکاندا هەیە. ئاراستەی با بەرەو باکووری ڕۆژئاوا دەبێت و مەودای بینین لە نێوان 7 بۆ 9 کیلۆمەتر جێگیر دەبێت.

پلەکانی گەرمای شارەکان بۆ سبەی

پلەکانی گەرما بۆ سبەی سێشەممە نزیک دەبنەوە لە تۆمارکراوەکانی ئەمڕۆ و بەم شێوەیە دەبن:

هەولێر: 19 پلە

سلێمانی: 18 پلە

دهۆک: 16 پلە

هەڵەبجە: 20 پلە

گەرمیان: 22 پلە

چەمچەماڵ: 20 پلە

زاخۆ: 16 پلە

سۆران: 16 پلە

پیرمام: 16 پلە

حاجی ئۆمەران: 10 پلە