سودانی و مالیکی کۆبوونەوە و جەخت لە خێراکردنی پێکهێنانی حکومەت دەکەنەوە

SNN-

محەمەد شیاع سودانی، سەرۆک وەزیرانی عێراق و نوری مالیکی، سەرۆکی هاوپەیمانی دەوڵەتی یاسا، ئەمڕۆ سێشەممە کۆبوونەوە و جەختیان لە گرنگی خێراکردنی ڕێکارەکانی پێکهێنانی حکومەتی نوێ کردەوە.

بەگوێرەی ڕاگەیەندراوێکی نوسینگەی ڕاگەیاندنی سەرۆکی هاوپەیمانی دەوڵەتی یاسا، نوری مالیکی لە نووسینگەی خۆی پێشوازی لە محەمەد شیاع سودانی کردووە.

ئاماژە بەوەشکراوە، لە دیدارەکەدا باس لە دۆخی سیاسی وڵات کراوە و هەردوولا هاوڕابوون لەسەر ئەوەی پێویستە بەزووترین کات پێداویستییەکانی پێکهێنانی حکومەتی داهاتوو تەواو بکرێن بۆ ئەوەی دەست بە کارەکانی بکات.