SNN-
بەڕێوەبەرایەتیی گشتیی دژەتیرۆر لە سلێمانی ڕوونکردنەوەیەکی بڵاوکردەوە و ڕایگەیاند، “دەرزییەکیش لەم هەرێمە دیارنەمێنێت مەسرور لێی بەرپرسە، چونکە بە ناخێری سەرۆکی حکومەتە، ئەم سیناریۆ و درۆ بەتاڵانە کە بووەتە پیشەی ڕۆژانەی مەسرور و چواردەورەکەی نابێتە هۆی داپۆشینی فەزاحەت و سکانداڵی براکانی کە ئێستا لەلایەن وەزارەتی دادی ئەمریکاوە لێکۆڵینەوەی لێدەکرێت و ملیۆنان دۆلاریان دەستیبەسەرگیراوە بەهۆی فێڵ و تەڵەکەبازی و بەرتیلخۆری بەرامبەر سوپای ئەمریکا، وەک هەمیشە بوونەتە پەڵەیەکی ڕەش بە نێوچەوانی کوردەوە”.
“میدیای دەستلەپشتدراو”
لە ڕوونکردنەوەکەی دژەتیرۆر لە سلێمانی دا هاتووە، “کۆمەڵێک میدیای دەستلەپشتدراوی جێگری دووەمی سەرۆکی پارتی دیموکرات بە بڵاوکردنەوەی ڤیدیۆیەک دەیانەوێت دەستە چەورەکەیان بە بەڕێوبەرایەتی گشتیی دژەتیرۆر و یەكێتی نیشتیمانیی کوردستان بسڕن”.
“دیمەنی ئۆتۆمبێلی بارهەڵگری سەربازی”
دژەتیرۆر لە سلێمانی ئاماژەی بەوەشکردووە، “دیمەنی ژمارەیەک ئۆتۆمبێلی بارهەڵگری سەربازیی بڵاوکراوەتەوە، کە گوایا ئەمانە ئەو چەکانەن لەلایەن ئەمریکاوە نێردراون بۆ ئێران و ئێستا لەلایەن دژەتیرۆرەوە دەستی بەسەرداگیراوە”.
“تەنها کەمێک شارەزایی سەربازی”
لە بەشێکی دیکەی ڕوونکردنەوەکەی دژە تیرۆر لە سلێمانیدا باسی ئەوەشکراوە، “تەنها کەمێک شارەزایی سەربازیی پێویستە تا بزانرێت ئەو چەکانەی لەپشتی ئەو بارهەڵگرانە دەردەکەوێت ڕووسین و لەجۆری مووشەکی گرادن، کە ئەمریکی نین، تەنانەت گەر ئەمریکیش بن شتێکی ئاساییە بۆ بەڕێوبەرایەتیی گشتیی دژەتیرۆر، کە هاوپەیمانێکی بەردەوامی ویلایەتە یەکگرتووەکانی ئەمریکایە لە چوارچێوەی شەڕی دژ بە تیرۆر”.
“دەرزییەکیش دیار نەمێنێت مەسرور لێی بەرپرسە”
لە درێژەی ڕوونکردنەوەکەی دژە تیرۆر لە سلێمانیدا جەخت لەوەکراوەتەوە، کە “پێویستە ئەوەش بوترێت نەک چەند بارێکی گەورەی چەک، بەڵکو دەرزییەکیش لەم هەرێمە دیارنەمێنێت مەسرور لێی بەرپرسە، چونکە بە ناخێری سەرۆکی حکومەتە، ئەم سیناریۆ و درۆ بەتاڵانە کە بووەتە پیشەی ڕۆژانەی مەسرور و چواردەورەکەی نابێتە هۆی داپۆشینی فەزاحەت و سکانداڵی براکانی کە ئێستا لەلایەن وەزارەتی دادی ئەمریکاوە لێکۆڵینەوەی لێدەکرێت و ملیۆنان دۆلاریان دەستیبەسەرگیراوە بەهۆی فێڵ و تەڵەکەبازی و بەرتیلخۆری بەرامبەر سوپای ئەمریکا، وەک هەمیشە بوونەتە پەڵەیەکی ڕەش بە نێوچەوانی کوردەوە”.
“لە خۆمان پاراستن و لە ئێوە درۆ و تەڵەکەبازی و هەڵهاتن”
لە کۆتایی ڕوونکردنەوەکەی دژە تیرۆردا ئەوەشخراوەتەڕوو و دەڵێن، “لە کۆتایشدا هەمووان ئێمە دەناسن و ئێوەش دەناسن. لە خۆمان پاراستن و لە ئێوەش درۆ و تەڵەکەبازی و هەڵهاتن
