تەلەفیزیۆنی ئێران: عێراقچی وەڵامی پێشنیازەكەی عاسم مونیری بردووەتەوە بۆ ئیسلام ئاباد

SNN-

وەزارەتی دەرەوەی ئێران بڵاویكردەوە، بەیانی ئەمڕۆ عەباس عراقچی، لەگەڵ عاسم مونیر، فەرماندەی گشتی سوپای پاكستان لە ئیسلام ئاباد كۆبووەتەوە.

هاوكات تە لەفیزیۆنی ئێران ئاشكرایكرد، عراقچی وەڵامی پێشنیازەكانی عاسم مونیری پێیە لەسەردانەكەی بۆ پاكستان.

ئاماژەی بەوەشكردووە، ئەو وەڵامەی عێراقچی دەیداتە لایەنی پاكستانی گشتیگرەو هەموو تێبینەكانی ئێرانی لەبەرچاو گرتووە.

لەماوەی رابردوودا عاسم مونیر، فەرماندەی سوپای پاكستان، سەردانی تارانی كردو ژمارەیەك دیدارو كۆبونەوەی ئەنجامدا، محەمەد باقر قالیباف لەبارەی سەردانەكە رایگەیاند، مونیر پێشنيازی نوێی ئەمریكای هێناوە بۆ ئێران و سەرقاڵی دیراسەكردنین.

پێشتر وەزارەتی دەرەوەی ئێران ڕەتیكردەوە، هیچ دانوستانێك لەنێوان شاندی ئێران و ئەمریكادا ناكرێت.