ڕاگەیەندراوێک لە وەزارەتی دارایی و ئابوورییەوە سەبارەت بە درێژکردنەوەی خزمەتی زیندانییانی سیاسی

SNN-

وەزارەتی دارایی و ئابووریی هەرێمی کوردستان ڕاگەیەندراوێکی فەرمی لەبارەی درێژکردنەوەی تەمەنی خزمەتی فەرمانبەرانی زیندانیی سیاسی بڵاوکردەوە و تێیدا هاتووە:

سەبارەت بە درێژکردنەوەی ماوەی خزمەتی زیندانییانی سیاسی وەجبەی (9 تا 15) کە فەرمانبەرن لە دامودەزگاکانی حکومەتی هەرێمی کوردستان و لەدایکبووی ساڵانی (1965 و 1966)ـن، بە نووسراوی فەرمی ژمارە (3488) لە بەرواری (2026/9/2) داوامان لە فەرمانگەی بودجە لە وەزارەتی دارایی فیدراڵ کردووە کە ماوەی خزمەتیان لە (60) ساڵەوە بۆ (65) ساڵ درێژ بکرێتەوە.

لای خۆیانەوە، فەرمانگەی بودجە لە وەزارەتی دارایی فیدراڵ بە نووسراوی ژمارە (50407) لە ڕۆژی (2026/9/24) نووسراوەکەیان ئاڕاستەی دەستەی خانەنشینی نیشتمانی کردووە بەمەبەستی ئەنجامدانی کاری پێویست.