سبەینێ کەشوهەوا دەگۆڕێت و بارانبارین دەستپێدەکات

SNN-

بەڕێوەبەریی گشتیی کەشناسی و بوومەلەرزەزانی حکومەتی هەرێمی کوردستان بڵاویکردەوە کە لە سبەینێوە هەرێمی کوردستان دەكەوێتە ژێر کاریگەریی لاوازی بەرزەپالەپەستۆی دەریای سوور. پلەکانی گەرما ڕوو لە نزمبوونەوە دەکەن، بەشێوەیەک تا کۆتایی مانگ و سەرەتای مانگی داهاتوو (6-8) پلەی سیلیزی نزم دەبنەوە.

لە نیوەڕۆی ڕۆژی چوارشەممەوە کاریگەریی بەرزەپالەپەستۆی دەریای سپی ناوەڕاست ڕوو لە ناوچەکە دەکات و سەرەتا سنووری پارێزگای دهۆک بۆ نیوەهەور دەگۆڕێت. لە ڕۆژی پێنجشەممەوە کاریگەرییەکەی زیاتر دەبێت و سەرەتای بارانبارین لە سنووری پارێزگای دهۆک دەستپێدەکات و بەڕێژەیەکی کەمتر لە سنووری پارێزگای هەولێر، وە بەشێوەیەکی لاوازتر بۆ سنووری پارێزگای سلێمانی درێژدەبێتەوە.

لای خۆشییەوە ئاراس جەبار شارەزای کەشناسی دەڵێت: سبەینێ دووشەممە لە ناوچە شاخاوییەکانی دهۆک و ئیدارەی سۆران بەشێوەیەکی کورتخایەن لەکاتەکانی نێوان نیوەڕۆ بۆ ئێوارە، ئەگەری هەورەبروسکە و بڕێک بارانی کەم دەبێت.

پێشبینی بڕی بارانبارین لە پارێزگاکان:
پارێزگای هەولێر: 1 – 2 ملم
پارێزگای دهۆک: 2 – 3 ملم
پارێزگای سلێمانی: 0.5 – 1 ملم