پلەکانی گەرما بەرز دەبنەوە و ئەگەری هەورەبروسکە هەیە

SNN-

ئاراس جەبار، شارەزای کەشناسی پێشبینییەکانی بۆ بارودۆخی کەشوهەوای هەرێمی کوردستان لە چەند ڕۆژی داهاتوودا بڵاوکردەوە و دەڵێت: باران دەبارێت و پلەکانی گەرماش نزم دەبنەوە.

بەرزبوونەوەی پلەکانی گەرما و نزمەپاڵەپەستۆی خەماسینی

دەشڵێت: ەپێی پێشبینییەکان، سبەی یەکشەممە (3/5/2026)، بەهۆی کاریگەریی نزمەپاڵەپەستۆی “خەماسینی” کە لە بیابانەکانی باکووری ئەفریقاوە سەرچاوەی گرتووە، ئاسمانی هەرێم دەگۆڕێت بۆ نیمچەهەور. هاوکات پلەکانی گەرما بەراورد بە ئەمڕۆ (2 بۆ 3) پلە بەرزتر دەبنەوە.

ئەگەری تاوەباران و هەورەبروسکە

ئاماژەی بەوەشکردووە کە ئەنجامی تێکەڵبوونی شێی ناوخۆیی و هەوایەکی سارد لە چینە بەرزەکانی هەوادا، دۆخێکی ناجێگیری لاواز لە کەشوهەوادا دروست دەبێت. پێشبینی دەکرێت لە ناوچە شاخاوییەکان، بەتایبەت لە سنووری ئیدارەی سۆران و ڕاپەڕین و پارێزگای دهۆک، هەورەبروسکە و تاوەبارانی کورتخایەن ڕوو بدات. هەروەها لە هەندێک ناوچەی دیکە بەدیارینەکراوی، ئەگەری کەڵەکەبوونی هەور و نمەباران هەیە.

خێرایی با و گۆڕانکارییەکانی ڕۆژی دووشەممە

بۆ کاتەکانی دوای نیوەڕۆی سبەی، بای باشووری ڕۆژئاوا چالاک دەبێت و خێراییەکەی لە نێوان (15-30) کم لە کاتژمێرێکدا دەبێت.

ئاراس جەبار ئاماژەی بەوەش کردووە کە لە ڕۆژی دووشەممەوە (4/5/2026)، پلەکانی گەرما ڕوو لە نزمبوونەوە دەکەن و ئەگەری بارانبارین و هەورەبروسکە لە ناوچە جیاجیاکانی هەرێم زیاتر دەبێت.