پارتی بە نیازە بوو تەكلیفی لێبكرێت بۆ گەڕانەوە بۆ بەغدا، بەڵام بەناچاری گەڕانەوە و كەسیش فەرمووی لێنەكردن

عەلی حەمە سەعید-SNN

سەرەڕای ئەوەی كە پارتی بەهۆی سەركەوتنەكانی یەكێتی لە بەغدا تەواو نیگەران بووە و حزب و لایەنەسیاسیەكانی بەغدای لە خۆی كردووە، بەڵام بەناچاری بڕیاریدا بە گەڕانەوە بۆ بەغدا، لەكاتێكدا چاوەڕێی ئەوەبوون تەكلیفیان لێبكرێت.

ئازاد محەمەد، چاودێری سیاسی بە SNNی ڕاگەیاند: ئەوەی زۆر ناشیرن بوو لەو هەڵوێستەی پارتی لە كشانەوەیان لە بەغدا هۆكاری ئەوە بووكە كاندیدەكەی یەكێتی سەركەوتنی بەدەستهێنا و بووە جێگای ڕەزامەندی هێزوو لایەنە عێراقییەكان، لەوەش ناشیرنتر ئەوەبوو كە پارتی بەئاشكرا وتی بەهۆی سەركەوتانی كوردێكەوە بۆ پۆستی سەرۆك كۆمار لە بەغدا دەكشێینەوە.

ئاماژەی بەوەشكرد، لەسەرەتای بڕیاری گەڕانەوەیان بۆ هەرێم پارتی چاوەڕێی ئەوەیان دەكرد كە هێزە عێراقییەكان تەكلیف لەپارتی بكەن و داوای لیبكەن كە بگەڕێنەوە بۆ بەغدا، بەڵام نەك ئەوە ڕووی نەدا بەڵكوو زۆرێك لە هێزە عێراقییەكانیش خۆش حاڵە نەبوون بە گەڕانەوەیان و ئەگەر پێشتریش كەمێك ڕێز لێگراوو بووبن ئەوا ئیستا بەهۆی ئەو هەڵویستەیانەوە ئەو ڕیزەشیان نەما.

ئەو چاودیرە سیاسییە ئەوەشی خستەڕوو، هەرچەند پارتی بانگەشەی ئەوەیان دەكرد كە ئەوان پۆست و پلە بەلایانەوە گرنگ نییە، بەڵام ئەمجارەش سەلماندیان كە پێچەوانەی قسەكانیان ڕەفتار دەكەن، چونكە گەڕانەوەیان بۆ بەغدا تەنها لە پێناو وەرگرتنی پلەو پۆستدا بوو نەك بۆ بەرژەوەندی گشتی هاووڵاتیان و مووچەخۆران.