ئەگەر ئەمڕۆ ئەم کارە نەکرێت مووچە دەکەوێتە مەترسییەوە

SNN

سەرچاوەیەک لە دارایی هەرێم بە میدیای پارتی راگەیاندووە، ئەمڕۆ داهاتی نانەوتی مانگی 4 دەخرێتە سەر هەژماری بانکی ناوەندی لە هەولێر، بڕەکەی نزیکەی 50 ملیار و 300 ملیۆن دینارە، بەڵام ئەگەر ئەمڕۆ یان سبەینێ داهاتی ناوخۆ رەوانەی بەغدا نەکرێت رەنگە کێشە دروستببێت و مووچە زۆر دوابکەوێت، بەجۆرێک مووچە دەکەوێتە دوای دەنگدان لەسەر حکومەتی نوێی عێراق.

هاوکات لیژنەیەکی سێ کەسی راسپێردراون کە پارەکە بە کاش ببەنە بانکی ناوەندی وەزارەتی دارایی عێراق لە هەولێر، ئەگەرچی هەفتەی رابردوو نوسراوی خەرجکردنی داهاتی نانەوتی نێردرابوو بەڵام بەهۆی کەمی بڕەکەی تەیف سامی نوسراوەکەی رەتکردبووەوە.

ئاماژەی بەوەکردووە، وەزارەتی دارایی عێراق هەرێمی کوردستانی ئاگادارکردووەتەوە کە لەم یەک دوو رۆژە پارەی مووچەی مانگی 4 خەرج دەکرێت و رەوانەی بانکی ناوەندی لقی هەولێر دەکرێت.