وەزارەتی دارایی هەرێم داهاتی نانەوتی مانگی 4ی رەوانەی بەغدا کرد
SNN
وەزارەتی دارایی و ئابوریی هەرێمی کوردستان، زیاتر لە 50 ملیار دیناری وەک داهاتی نانەوتی مانگی نیسان، خستە سەر هەژماری بانکی وەزارەتی دارایی حکومەتی فیدراڵ.
بەپێی ڕاگەیەندراوێکی وەزارەتی دارایی و ئابووری، ئەمڕۆ یەکشەممە 10ی ئایار لەسەر بڕیاری وەزارەتەکە، بڕی 50 ملیار و 292 ملیۆن و 213 هەزار دینار، کە داهاتی نانەوتی هەرێمی کوردستانە بۆ مانگی4، بەشێوەی نەختینە (کاش) ڕادەستی بەغدا کراوە.
ئاماژە بەوەش کراوە، ئەو بڕە پارەیە ڕاستەوخۆ خراوەتە سەر هەژماری بانکی وەزارەتی دارایی حکومەتی فیدراڵ لە لقی هەولێری بانکی ناوەندیی عێراق.
هاوکات، دوێنێش یادگار جەبار، بەڕێوەبەری بایۆمەتری سلێمانی رایگەیاندبوو، لیستی مووچەی مانگی پێنج ئامادەکراوە و هەر دوێنێش لیستەکە بەشێوەی پەیرۆڵ کاراکرا.
