وادەی گەیشتنی پارە و دابەشكردنی مووچەی مانگی چوار لە SNNەوە بزانە

عەلی حەمە سەعید-SNN

دوای ئەوەی ئەمڕۆ وەزارەتی دارایی هەرێم بڕی 50 ملیار دینار وەك داهاتی نانەوتی بۆ مانگی چوار خستە سەر ژمارە حسابی بانكی ناوەندی، وابڕیارە لەم هەفتەیەدا و بە دیاریكراوی ڕۆژی دووشەممە بەغدا پارە بنێرێت و ڕۆژی سێشەممە دەستبكرێت بەدابەشكردنی مووچە.

بەگوێرەی ئەو زانیاریانەی كە لە بەرپرسێكی وەزارەتی دارایی هەرێم بە SNNدراون ئەوەخراوەتەڕوو، دوای ناردنی داهاتی نانەوتی بۆ مانگی چوار، تەنها ئەوە دەمینێتەوە كە تەیف سامی وەزیری دارایی واژۆ لەسەر گواستنەوەی پارە بكات بۆ لقی هەولێری بانكی فیدراڵی و پاشان دەستبكرێت بەدابەشكردنی مووچە، ئەوەش ڕۆژی دووشەممە ئەنجام دەدرێت.

ئاماژەی بەوەشكرد، لیستی مووچەی مانگی چوار ئامادەیە و بە گەیشتنی پارەكە راستەوخۆ دەستدەكریت بەدابەشكردنی مووچە، كە بە ئەگەرێكی زۆرەوە ڕۆژی سێشەممە دابەشكردنی مووچە دەستپێدەكات و تا ڕۆژی ڕۆژی پێنجشەممە دابەشكردنی مووچە كۆتایی پێدێت.

ئەو بەرپرسەی وەزارەتی دارایی ئەوەشی خستەڕوو، لیستی مووچە هاوشێوەی مانگەكانی پێشووە و بڕی پارەكەش هاوشێوەی مانگی پێشوو دەبێت جیاوازییەكی ئەوتۆی نابێت.