ڕۆژنامەی فەرمی عێراق: 80%ی پۆستە وەزارییەکانی کابینەکەی عەلی زەیدی یەکلاکراونەتەوە

SNN –

ڕۆژنامەی فەرمی عێراق بڵاویکردەوە، هەوڵە سیاسییەکان بۆ کۆتاییهێنان بە پێکهێنانی حکومەتی نوێ گەیشتوونەتە قۆناغێکی پێشکەوتوو. بەپێی زانیارییەکان، لێکتێگەیشتنی بەرچاو لە نێوان هێزە سیاسییەکاندا هەیە و نزیکەی 80%ی پۆستە وەزارییەکان یەکلاییکراونەتەوە.

یەکلاییکردنەوەی پۆستەکان:

رۆژنامەکە بڵاویکردووەتەوە کە نزیکەی 80%ی پۆستە وەزارییەکان ڕێککەوتنیان لەسەر کراوە و تەنها چەند ناکۆکییەکی بچووک لەسەر وەزارەتە سیادییەکان و ناوی هەندێک لە کاندیدەکان ماوە.

کۆبوونەوەی پەرلەمان:

دەشڵێت: پێشبینی دەکرێت سبەی پێنجشەممە ئەنجومەنی نوێنەران بۆ دەنگدان لەسەر بەرنامەی حکومەت و کابینە وەزارییەکە کۆببێتەوە.

ئەگەری دواخستن:

رۆژنامەکە لە چەند سەرچاوەیەکی ناو پەرلەمانی عێراقەوە زانیاری دەستکەوتووە کە ئەگەر سبەی پەرلەمان کۆنەبێتەوە، ئەوا بەهۆی هەندێک ئاستەنگی تەکنیکی و سیاسییەوە، دانیشتنەکە بۆ ڕۆژی یەکشەممەی داهاتوو دوادەخرێت.

ئەم پێشکەوتنانە دوای زنجیرەیەک کۆبوونەوەی چڕی نێوان لایەنە سیاسییەکان دێت بە مەبەستی تێپەڕاندنی قەیرانی پێکهێنانی حکومەت و دەستپێکردنی کارەکانی کابینەی نوێ.