نیویۆرک تایمز: ئێران 70%ی توانای موشەکیی خۆی پاراستووە و هەڕەشەیە بۆ سەر گەرووی هورمز
SNN –
ڕۆژنامەی “نیویۆرک تایمز” لە ڕاپۆرتێکی نوێدا ئاشکرای کرد، سەرەڕای بانگەشەکانی ئیدارەی ترەمپ بۆ لاوازکردنی توانای سەربازیی ئێران، بەڵام هەڵسەنگاندنە هەواڵگرییەکانی ئەمریکا دەری دەخەن کە تاران بەشێکی زۆری هێزەکەی پاراستووە.
پاراستنی پێگەکان
ئێران هێشتا کۆنترۆڵی زۆربەی پێگە موشەکی و دامەزراوە ژێرزەمینییەکانی دەکات، بە شێوەیەک لە کۆی 33 پێگەی سەربازی لە درێژەی گەرووی هورمز، 30 پێگەیان بە تەواوی لەژێر دەستی ئێراندایە.
کۆگای موشەکی
مەزەندە دەکرێت کە ئێران تا ئێستاش خاوەنی نزیکەی 70%ی کۆگاکانی موشەک و سەکۆی هەڵدانی جوڵاو بێت.
خۆڕێکخستنەوە
ڕاپۆرتە هەواڵگرییەکان جەخت دەکەنەوە کە ئێران زۆر خێراتر لەوەی پێشبینی دەکرا خۆی ڕێکخستووەتەوە.
هەڕەشە بەردەوامەکان:
تاران تا ئێستاش توانای تەواوی هەیە بۆ هەڕەشەکردن لە کەشتییە جەنگییەکانی ئەمریکا و پەکخستنی جوڵەی گواستنەوەی نەوت لە گەرووی هورمز.
