فێنک دەبێتەوە؛ پلەکانی گەرما لە سەرانسەری هەرێمی کوردستان نزم دەبنەوە

SNN-

بەپێی پێشبینییەکانی کەشناسی، لە ماوەی 48 کاتژمێری داهاتوودا پلەکانی گەرما لە نێوان 1 بۆ 3 پلە ڕوو لە نزمبوونەوە دەکەن، هاوکات ئەگەری نمەباران لە ناوچە شاخاوییەکان و بەرزبوونەوەی تۆز و خۆڵ لە ناوچە دەشتاییەکان هەیە.

کەشی پێشبینیکراوی ڕۆژی چوارشەممە 13-05-2026

ئاسمانی هەرێمی کوردستان لە نێوان ساماڵ و پەڵە هەوردا دەبێت، بەڵام لە ناوچە شاخاوییەکان ئاسمان دەگۆڕێت بۆ نیمچە هەور و ئەگەری نمە باران و هەورە تریشقە لە ناوچە شاخاوییە سنوورییەکان هەیە. خێرایی با لە نێوان 10 – 20 کم/ک دەبێت و ئاراستەکەی بەرەو باکووری ڕۆژهەڵاتە. پلەکانی گەرما بەراورد بە دوێنێ 1 بۆ 3 پلە نزم دەبنەوە و مەودای بینین لە نێوان 8 – 10 کم دەبێت.

بەرزترین پلەکانی گەرمای شارەکان بۆ ڕۆژی چوارشەممە:
هەولێر: 29 پلە
سلێمانی: 27 پلە
دهۆک: 28 پلە
کەرکوک: 32 پلە
هەڵەبجە: 27 پلە
زاخۆ: 29 پلە
سۆران: 25 پلە
گەرمیان: 34 پلە
پیرمام: 25 پلە
حاجی ئۆمەران: 16 پلە

کەشی پێشبینیکراوی ڕۆژی پێنجشەممە 14-05-2026

ئاسمان بە گشتی ساماڵ و پەڵە هەور دەبێت، دواتر لە هەندێک ناوچە دەگۆڕێت بۆ نیمچە هەور. پێشبینی دەکرێت تۆز و خۆڵێکی سوک لەسەر بەشێک لە ئیدارەی گەرمیان و ناوچە دەشتاییەکانی باشووری هەرێم بەرز ببێتەوە. ئاراستەی با بەرەو باکووری خۆرئاوا دەبێت و خێراییەکەی لە نێوان 10 – 20 کم/ک دەمێنێتەوە. پلەکانی گەرما بەراورد بە ڕۆژی چوارشەممە کەمێکی دیکە نزم دەبنەوە و مەودای بینین لە نێوان 7 – 9 کم دەبێت.

بەرزترین پلەکانی گەرمای شارەکان بۆ ڕۆژی پێنجشەممە:
هەولێر: 28 پلە
سلێمانی: 26 پلە
دهۆک: 27 پلە
هەڵەبجە: 26 پلە
زاخۆ: 28 پلە
چەمچەماڵ: 27 پلە
سۆران: 24 پلە
گەرمیان: 33 پلە
پیرمام: 24 پلە
حاجی ئۆمەران: 15