بافڵ جەلال تاڵەبانی: هەموو هەوڵێکی یەکێتی بۆ یەکخستنی بۆچوونە جیاوازەکان و لێکنزیککردنەوەی لایەنەکانە

SNN-

سەرۆکی یەکێتیی نیشتمانیی کوردستان و سەرۆکی هاوپەیمانیی سیادە لە بەغدا کۆبوونەوە و پرسی پێکهێنانی حکومەتی نوێ و هەنگاوە دەستوورییەکانیان تاوتوێ کرد.

کۆبوونەوەی سەرۆکی یەکێتی و سەرۆکی هاوپەیمانیی سیادە
بافڵ جەلال تاڵەبانی، سەرۆکی یەکێتیی نیشتمانیی کوردستان، لە ماڵی مام لە شاری بەغدا پێشوازی لە سەرمەد خەمیس خەنجەر، سەرۆکی هاوپەیمانیی سیادە کرد. لە دیدارەکەدا دەرباز کۆسرەت ڕەسوڵ، ئەندامی مەکتەبی سیاسیی یەکێتی ئامادەیی هەبوو.

تاوتوێکردنی پێکهێنانی حکومەت و ڕێکارە دەستوورییەکان
لە کۆبوونەوەکەدا هەنگاوەکانی پێکهێنانی حکومەتی نوێی عێراق و بەردەوامیی دیالۆگی نیشتمانی بۆ تەواوکردنی ڕێکارە دەستوورییەکان گفتوگۆیان لەبارەوە کرا. هەردوولا جەختیان لە گرنگیی هەماهەنگیی لایەنەکان کردەوە بۆ تێپەڕاندنی قۆناغی سیاسیی ئێستای وڵات.

ئامانجی یەکێتی بۆ لێکنزیککردنەوەی لایەنەکان
سەرۆک بافڵ ڕایگەیاند کە تەواوی هەوڵەکانی یەکێتی لە پێناو یەکخستنی بۆچوونە جیاوازەکان و لێکنزیککردنەوەی لایەنە سیاسییەکانە. ئاماژەی بەوەش کرد کە مەبەست لەم هەوڵانە ئەوەیە لایەنەکان پێکەوە کار بکەن بۆ ئەوەی خزمەتگوزاریی زیاتر پێشکەشی هاوڵاتییان بکرێت.