وردەکارى پلە بەرزکردنەوەى ئەفسەرانى سەر بەوەزارەتى پێشمەرگە بڵاودەکرێتەوە

SNN

ڕاگەیاندنی خشتەی پلەبەرزکردنەوە
ڕۆژى 11ـى ئایارى 2026، شۆڕش ئیسماعیل، وەزیری پێشمەرگەی حکومەتی هەرێمی کوردستان پلەبەرزکردنەوەى 2,341 ئەفسەرى ڕاگەیاند. وەزیرى پێشمەرگە ئاماژەى بەوە کرد کە وەک تیمێکی یەکگرتوو هەوڵیان داوە ئەم پرۆسەیە لە کات و ساتی یاسایی خۆیدا جێگیر بکەن. جەختیشى کردەوە کە ئەم هەنگاوە دەبێتە پاڵنەرێک بۆ ئەفسەران تاوەکو بە ورەیەکی بەرزترەوە پارێزگاری لە خاک و شکۆی گەلی کوردستان بکەن.

داتا و ئامارە فەرمییەکان
بەگوێرەى ئەو داتا فەرمییانەى کەناڵ8 لە وەزارەتى پێشمەرگە دەستیکەوتووە، 39 عەمید پلەکانیان بووەتە لیوا و مووچەکانیان لە یەک ملیۆن و 800 هەزار دینارەوە دەبێتە چوار ملیۆن دینار، 161 عەقید پلەکەیان بەرزکراوەتەوە بۆ عەمید و مووچەى مانگانەیان 200 هەزار دینار زیاد دەکات.

2341 کەس پلەى بەرزکراوەتەوە
کۆى گشتى هەموو ئەوانەى پلەکانیان لەم خشتەیەدا بەرزکراوەتەوە ژمارەیان دوو هەزار و 341 ئەفسەر بووە.

ئاستەنگە داراییەکان و بودجەى عێراق
سەرەڕای ڕاگەیاندنی پلەبەرزکردنەوەکان، زیادکردنى مووچەى ئەفسەران لە ئێستادا جێبەجێ ناکرێت. بەپێی بەدواداچوونەکان، حکومەتى هەرێمى کوردستان ڕایگەیاندووە کە تاوەکو یاساى بودجە لە عێراق پەسەند نەکرێت، ناتوانن شایستە داراییەکانى ئەم پلەبەرزکردنەوەیە دابین بکەن، چونکە لە تواناى دارایی ئێستاى هەرێمدا نییە.

ڕێکارە کارگێڕییەکان و هەماهەنگی لەگەڵ بەغداد
بەرپرسێکی دارایی حکومەتى هەرێمى کوردستان ڕایگەیاندووە، لە ئێستادا ڕێکارە کارگێڕییەکانى پلەبەرزکردنەوەى ئەو ئەفسەرانە تەواو دەکرێن. دواتر لیستەکە ڕادەستى وەزارەتى دارایی فیدراڵ دەکرێت تاوەکو لە پڕۆژە یاساى بودجەى نوێدا تەرخانى دارایی پێویستیان بۆ بکرێت و بە فەرمی مووچە نوێیەکانیان بۆ ببەسترێت.

پلە بەرزکردنەوە ڕێکارە کارگێڕییەکانى ماوە
هاوکات، بەرپرسێکى دارایی حکومەتى هەرێمى کوردستان کە نەویست ناوى بهێندرێت، بۆ کەناڵ8 ئەوەى دووپاتکردەوە، پلەبەرزکردنەوەى ئەفسەرانى وەزارەتى پێشمەرگە ڕێکارە کارگێڕییەکانى تەواو دەکرێت و ڕادەستى وەزارەتى دارایی فیدڕاڵ دەکرێت تاوەکو لە پڕۆژە یاساى بودجەى نوێ تەرخانى دارایی بۆ بکرێت.

وردەکاریی پلەکان و گۆڕانکاریی دارایی
بەپێی ئەو داتایانەی دەست کەناڵ8 کەوتوون، پلەبەرزکردنەوەکە ئەفسەرانی وەزارەت و هێزەکانى یەکەى 80 دەگرێتەوە کە خراونەتە سەر میلاکی وەزارەت. وردەکاریی گۆڕانکارییەکان بەم شێوەیەیە:

39 عەمید پلەیان بۆ لیوا بەرز بووەتەوە (مووچەیان لە 1.8 ملیۆنەوە دەبێتە 4 ملیۆن دینار).
161 عەقید بۆ پلەى عەمید (مووچەیان 200,000 دینار زیاد دەکات).
314 موقەدەم بۆ پلەى عەقید (مووچەیان 100,000 دینار زیاد دەکات).
1,101 ڕائید بۆ پلەى موقەدەم (مووچەیان 78,000 دینار زیاد دەکات).
276 نەقیب بۆ پلەى ڕائید (مووچەیان 50,000 دینار زیاد دەکات).
420 ملازم ئەوەل بۆ پلەى نەقیب (مووچەیان 35,000 دینار زیاد دەکات).
30 ملازم بۆ پلەى ملازم ئەوەل (مووچەیان 25,000 دینار زیاد دەکات).