سێ ڕۆژ، 100 قوربانی؛ جەژنی سەربەخۆیی ئەمریکا بە خوێن تێپەڕی

SNN

لە کاتێکدا ویلایەتە یەکگرتووەکانی ئەمریکا یادی 250 ساڵەی دامەزراندنی دەوڵەتەکەی دەکردەوە، شەپۆلێکی بێوێنەی توندوتیژیی چەکداری وڵاتەکەی هەژاند و ئامارێکی پێوانەیی ترسناکی لە مێژووی ئەم وڵاتەدا تۆمار کرد.

بەپێی ئامارە فەرمییەکانی رێکخراوی “Gun Violence Archive”، لە ماوەی تەنها سێ رۆژی پشووی جەژنی سەربەخۆیی (4ی تەممووز)، 20 رووداوی تەقەکردنی بەکۆمەڵ لە سەرانسەری ئەمریکا روویانداوە. ئەم رووداوانە بوونە هۆی: کوژرانی 100 کەس و برینداربوونی 340 کەسی دیکە.

ئەم ئامارە بەرزترین رێژەی توندوتیژییە لە دوای ساڵی 2021ـەوە، کە سێبەری خستە سەر ئاهەنگەکانی یادی 250 ساڵەی سەربەخۆیی ئەمریکا. رێکخراوەکە هۆشداری دەدات کە ئەم ژمارانە سەرەتایین و ئەگەری هەیە بە تێپەڕبوونی کات بەرزتر ببنەوە.

ئەم رووداوە دڵتەزێنانە جارێکی دیکە مشتومڕەکان لەسەر پرسی توندوتیژیی چەکداری و یاساکانی هەڵگرتنی چەک لە ئەمریکا دەخاتەوە سەرووی رۆژەڤی سیاسی و کۆمەڵایەتی ئەو وڵاتە.