زانیاری نوێ لەبارەی دۆخی تەندروستی و ئەمنی موجتەبا خامنەیی ئاشکرادەکرێت

SNN-

ئاژانسی هەواڵی “ڕۆیتەرز” لە زاری سەرچاوە میدیاییەکانەوە زانیاری نوێی لەبارەی دۆخی تەندروستی و ڕێکارە ئەمنییەکانی تایبەت بە (موجتەبا خامنەیی)، کوڕی ڕێبەری باڵای کۆماری ئیسلامی ئێران بڵاوکردەوە.

بەپێی ڕاپۆرتەکەی ڕۆیتەرز، موجتەبا خامنەیی قۆناغی مەترسی تەندروستی تێپەڕاندووە و لەو برینەی پێشتر تووشی ببوو چاک دەبێتەوە، بەڵام پرۆسەی چاکبوونەوەی تەواو نەبووە و هێشتا بە تەواوی باری تەندروستیی بۆ نەگەڕاوەتەوە.

لە لایەکی دیکەوە و لە ڕووی ئەمنییەوە، ئاژانسەکە ئاماژەی بەوە کردووە کە دەزگا ئەمنییەکانی کۆماری ئیسلامی ئێران، ڕێکارەکانی پاراستنی ناوبراویان توندتر کردووە و دەرکەوتنی گشتی و میدیاییان بە تەواوی سنووردار کردووە؛ ئەم بڕیارە ئەمنییە توندەش لە ترسی ئەگەری ئەنجامدانی هێرشێکی نوێی ئەمریکا دێت بۆ سەر بەرپرسان و کەسایەتییە دیارەکانی ئێران.