کەسوكاری شەهیدانی هەڵەبجە: حکومەت بودجەی بۆ بارزان هەیە و بۆ ئێمە نییەتی!

عەلی حەمە سەعید-SNN

بەوتەی كەسوكاری شەهیدانی هەڵەبجە كابینەی نۆی حكومەتی هەرێم بە سەرۆكایەتی مەسروبارزانی، جگە لەوەی لە خزمەتی بنەماڵەی بارزانی و سنوری هەولێر و دهۆكدا بووە، هێندە نەیپەرژاوەتە سەر خزمەتكردنی ناوچەكانی دیكە، دەیان ساڵە باس لە پرۆژەی پردی تووە قوت دەكرێت بۆ هەڵەبجە، بەڵام كاتێكمان زانی پرۆژەی ئاوی باڵندا- بارزان تەواو بوو.

محمەد مەحمود، یەكێك لە كەسوكاری شەهیدانی هەڵەبجە بە SNNی ڕاگەیاند: ماوەی زیاتر لە دوو ساڵە بۆ بانگەشەی هەڵبژاردن مەسروبارزانی سەرۆكی كابینەی نۆ، سەردانی هەڵەبجەی كرد و بەردی بناغەی پرۆژەی تووەقوتی دانا، بەڵام لەوكاتەوە تا ئێستا تەنها وەك ریكلامێك چەند ڕۆژێك كاركرا و دواتر بە بیانووی نەبوونی پارە پرۆەكە ڕاگیرا.

ئاماژەی بەوەشكرد، هەڵەبجەییەكان دەیان ساڵە لە چاوەڕوانی تەواوكردن و جێبەجێكردنی ئەو پرۆژەیەدان، بەڵام سەرۆكی حكومەت زۆر بێباكە بەرامبەر بە خەڵكی هەڵەبجە و كەسوكاری شەهیدان، لەكاتێكدا دەبوو هەموو توانای خی و كابینەكەی بخستایەتە گەڕ بۆ تەواوكردنی پرۆژەكانی هەڵەبجە بەڵام تەنها بیری لای ناوچەی بەرزان و هەولێر و دهۆكەوەیە و پێی وایە ئەم دەڤەرە بەشێك نییە لەم حكومەتە.

ئەو كەسوكارەی شەهیدانی هەڵەبجە ئەوەشی خستەڕوو، تەواوكردنی پرۆژەی ئاوی باڵندا – بارزان لەم كاتەدا سەلمێنەری ئەوەیە كە بیانووەكانی مەسرور بارزانی بۆ نەبوونی پارە بێبنەمان، چونكە كابینەكەی خستووەتە خزمەتی ناوچەی بارزان و بنەماڵەكەی خۆی و سنوری هەولێر و دهۆك