هەفتەی رابردو نزیکەی 200 کەشتی بە گەروی هورمزدا تێپەڕیون
گەروی هورمز
SNN
بەپێی ئەو زانیاریانەی کە ڕۆژنامەی نیویۆرک پۆست به پشت به‌ستن به ده‌سته‌ی دەریایی بریتانیا بڵاویکردوەتەوە، هەفتەی ڕابردو نزیکەی 200 کەشتی بە گەروی هورمزدا تێپەڕیون.
رۆژنامەی نیویۆرک پۆستی ئەمریکی بڵاویکردەوە، هەفتەی ڕابردو 103 کەشتی چونەتە ناو گەروی هورمز و 89 کەشتی دیکەش ڕۆیشتن.
بەگوێرەی رۆژنامەکە، لەماوەی یەک هەفتەدا ژمارەی ئەو کەشتیانەی بەو گەروە تێدەپەڕن، بۆ نزیکەی 200 کەشتی بەرزبوەتەوە، لەکاتێکدا دو هەفتە لەمەوبەر تەنها نزیکەی 40 کەشتی هەبوە.
به‌گوێره‌ی رۆژنامه‌كه، هەفتەی ڕابردو پێنج کەشتی لەلایەن ئێرانەوە هێرشیان کراوەتە سەر، هاوکات ئەمریکا بەردەوامە لە پاڵپشتیکردنی کەشتییە بازرگانییەکان لەرێگەی ڕێڕەوی گرنگەوە.
پێش ئەوەی ئەمریکا و ئیسرائیل لە 28ی شوبات هێرش بکەنە سەر ئێران، گەروی هورمز نزیکەی یەک لەسەر پێنجی نەوت و گازی سروشتی شلکراوی جیهانی پێدا تێده‌په‌ڕی.
