جگە لە قەرزی کۆڕەک، حکومەتی هەرێم 400 ملیار دۆلاری بەغدا قەرزارە

SNN

فالح خەزعەلی، ئەندامی ئەنجوومەنی نوێنەرانی عێراق دەڵێت ئەو شایستە داراییەی لا ئەستۆی هەرێمی کوردستاندایە و کۆی گشتییەکەی دەگاتە نزیکەی 400 ملیار دۆلار.

بەپێی ئەو بەڵگەنامانەی خەزعەلی بڵاوی کردوونەتەوە، وردەکارییەکەی بەم شێوەیەیە:
١. زیانەکانی ڕادەستنەکردنی نەوتی خاو: بڕی ئەو زیانانەی بەر گەنجینەی دەوڵەت کەوتووە بەهۆی ڕادەستنەکردنی بڕی نەوتی خاو لەلایەن هەرێمی کوردستانەوە بۆ ماوەی
نێوان ساڵانی ٢٠٠٨ تا ٢٠٢٥، بە نزیکەی ٢٠٠ ملیار دۆلار دەخەمڵێندرێت.
٢. هەناردەکردنی نەوت لەرێگەی تورکیاوە: بڕی ٩٠ ملیار دۆلار وەک شایستەی دارایی ئەژمار کراوە بەرامبەر بە هەناردەکردنی نەوتی هەرێم لە ڕێگەی بەندەری جەیهانی
تورکییەوە لە ماوەی نێوان ساڵانی ٢٠١٤ تا ٢٠٢٣.
٣. کێڵگەکانی نەوتی باکوور: زیانەکانی پەیوەست بە سوودوەرگرتنی هەرێمی کوردستان لە کێڵگە نەوتییەکانی کۆمپانیای “نەوتی باکوور” بە نزیکەی ١٢٢ ملیار دۆلار دیاری
کراوە.
ئەم پەرلەمانتارە بانگەشەی ئەوە دەکات ئەم ژمارانە بە بەڵگەوە سەلمێندراون و وەک شایستەی دارایی حکومەتی فیدراڵ لە ئەستۆی هەرێمی کوردستان هەژمار دەکرێن.