پاکستان و ئێران: پێشکەوتنی گەورە لە دانوستانەکاندا بەدیهاتووە بۆ ڕاگرتنی گرژییەکان و کردنەوەی گەرووی هورمز

SNN-

سوپای پاکستان ڕایدەگەیەنێت کە لە ئەنجامی دانوستانەکانیان لەگەڵ ئێراندا پێشکەوتنی گەورە بەدەستهاتووە بە ئامانجی ڕاگرتنی پەرەسەندنی گرژییەکان، کردنەوەی دەروازەی گەرووی هورمز و گەیشتن بە چارەسەرێکی سیاسی.

بەپێی ڕاگەیەندراوێکی فەرمیی سوپای پاکستان، هەردوو وڵاتی پاکستان و ئێران لە ڕێگەی گفتوگۆکانیانەوە گەیشتوونەتە “پێشکەوتنێکی گەورە”. دانوستانەکان چڕ بوونەتەوە سەر چەند تەوەرێکی سەرەکی، لەوانە:

ڕاگرتنی پەرەسەندنی گرژییەکان و پێشگرتن بە پێکدادانی زیاتر.

کردنەوەی دووبارەی گەرووی هورمز بۆ هاتوچۆی کەشتییەکان و بازرگانی.

کۆتاییهێنان بە جەنگ و گەیشتن بە ڕێککەوتن.

ئەم هەنگاوە دیپلۆماسییەی پاکستان و ئێران بە ئاراستەی کەمکردنەوەی ئاڵۆزییەکانی ناوچەکە و دابینکردنی سەقامگیری دێت لە یەکێک لە گرنگترین ڕێڕەوە ئاوییە جیهانییەکاندا.