تهواوكردنی كابینهی نوێی حكومهتی عێراق دهچێته قۆناغی نوێوه؛ 9 وهزارهت دهنگیان لهسهر نهدراوه
SNN-
فراكسیۆنه پەرلەمانییەکانی پەرلەمانی عێراق لە کۆتایی هێنان بە ڕێککەوتنەکان سەبارەت بە دابەشکردنی ئەو 9 پۆستە وەزارییەی کە ماونەتەوە نزیک دەبنەوە، کۆبوونەوەکانیان چڕتر دەکەنەوە بۆ ئەوەی ناوی کاندیدەکانیان یەکلایی بکەنەوە و لە چەند ڕۆژی داهاتودا بیانخهنه بەردەم پەرلەمان.
زیا زهیدی، ئهندامی پهرلهمانی عێراق بە رۆژنامەی”الصباح” -ی راگەیاند، کە ئیرادەیەکی جدی حکومی هەیە بۆ تەواوکردنی پۆستە وەزارییەکان بەپێی دیدگایەک ڕوون، ههروهها جەختی كردهوه لە لێکنزیکبونەوەی نێوان کوتلە سیاسییەکان نەبونی ناکۆکی بنەڕەتی کە دەتوانێت ڕێگری لە پرۆسەی پێکهێنان بکات.
زەیدی روونیکردەوە کە گفتوگۆ و لێکتێگەیشتنەکان خەریکە دەگەنە ڕێککەوتنێکی کۆتایی کە ڕێگە خۆش دەکات بۆ خستنەڕووی کاندیدەکان لە پەرلەمانی عێراق بۆ بەدەستهێنانی متمانە و جەختی کردەوە کە پڕکردنەوەی پۆستە بەتاڵەکانی وەزارەتەکان پێشینەیەکی گرنگە بۆ بەهێزکردنەوەی سەقامگیری سیاسی و توانادارکردنی دامەزراوەکان بۆ ئەنجامدانی ئەرکەکانیان بە تەواوی دەسەڵاتەکانیانەوە.
هەروەها حەیدەر فەیلی، سەرۆکی فراكسیۆنی فەیلی لە پەرلەمانی عێراق بە رۆژنامەکەی راگەیاندووە کە ڕاوێژەکان لە نێوان کوتلە جیاوازەکاندا بەردەوامن بۆ گەیشتن بە شێوازێکی هاوبەش لەسەر وەزارەتە ماوەکان، و ئاماژەی بەوەدا که یەکلاکردنەوەی ئەم فایلە پێویستی بە پێگەیشتنی زیاتری سیاسی هەیە لەسەر هەندێک ناونیشان و دابەشکردنی پۆستەکان.
فیلی پێشبینی نەکرد کە یەکلاکردنەوەی کاندیدەکان لەم مانگی ئابەدا یەکلا ببێتەوە و ئەگەری دواخستنی بڕیاری کۆتایی خستە مانگی ئەیلولی داهاتوو دەستبەجێ دوای تێپەڕاندنی خاڵە جێناکۆکەکان و پێی وا بوو کە هەڵبژاردن لەسەر بنەمای لێهاتوویی و ڕێککەوتن پایەی سەرەکییە بۆ دەستپێکردنەوەی کاری حکومی و چڕکردنەوەی چارەسەرەکان بۆ دۆسیە هەستیارەکان.
لە چوارچێوەی شایستە سیاسییەکانیشدا، دکتۆر سەلاح دلێمی، سەرکردە لە هاوپەیمانیی عەزم، روونی کردەوە کە دەستەی سەرکردایەتیی هاوپەیمانییەکە پەیوەندییەکانی لەگەڵ هێزە نیشتمانییەکان بەردەوام پێ دەدات بۆ مسۆگەرکردنی بەدەستهێنانی شایستە هەڵبژاردییەکەی، کە بریتییە لە وەزارەتەکانی پلاندانان و رۆشنبیری بەپێی کۆدەنگییەکی نزیک لە نێو گۆڕەپانی نیشتمانیدا.
دلێمی بۆ “الصباح” هیوای خواست کە دۆسیەی کاندیدەکان و دەنگدان لەسەریان بە زوویی یەکلا ببنەوە، و جەختی کردەوە کە بارودۆخی قۆناغەکە ناچارمان دەکات پەلە بکەین لە تەواوکردن تیمی حکومیدا بۆ ئەوەی زیاتر کاربکرێت بۆ رووبەڕووبوونەوەی ئاستەنگە خزمەتگوزاری، ئابووری و ئەمنییەکان کە پەیوەندییان بە ژیانی هاووڵاتییانەوە هەیە.
