مووچەی مانگی 8ـی خانەنشینی کرێکار دابەشدەکرێت

SNN-

بەڕێوەبەرایەتی دەستەبەری کۆمەڵایەتی بۆ کرێکاران لە هەولێر رایگەیاند، کرێکارانی خانەنشینکراو دەتوانن ئەمڕۆ سێشەممە سەردانی بانکی فیدڕاڵ بکەن بۆ وەرگرتنی مووچەکانیان.

بەڕێوەبەرایەتییەکە، ئاگادارییەکی بۆ ئەو کرێکارە خانەنشینکراوانە بڵاوکردەوە کە لە چوارچێوەی ناوخۆی هەرێم خانەنشین بوون رایگەیاند: ئەمڕۆ سێشەممە، دەست بە دابەشکردنی مووچەی مانگی ئابی خانەنشینانی کرێکار دەکرێت.

بەگوێرەی راگەیاندراوەکە، کرێکارانی خانەنشینکراو دەتوانن بۆ وەرگرتنی شایستە داراییەکانیان، سەردانی “بانکی فیدراڵ/ نووسینگەی دێدەوان” بکەن.