عێراق دەستکاری بەهای دیناری کرد و 100 دۆلاری کرد بە 150 هەزار دینار

SNN

ئەنجومەنی وەزیرانی عێراق بە فەرمی نرخی نوێی دۆلاری دیاری کرد و بڕیاریدا نرخی یەک دۆلاری ئەمریکی بەرامبەر بە هەزار و500 دینار بێت، بڕیارەکەش لە ئەمڕۆوە دەچێتە بواری جێبەجێکردنەوە.

بەپێی نووسراوێکی فەرمی کە ئاراستەی بانکە مۆڵەتپێدراوەکان، کۆمپانیاکانی پارەدانی ئەلیکترۆنی و کۆمپانیاکانی ئاڵوگۆڕی دراو کراوە، نرخی کڕینی دۆلار لە وەزارەتی دارایی بە هەزار و 500 دینار جێگیر کراوە.

هەر بەپێی بڕیارەکە، نرخی فرۆشتنی هەر دۆلارێک بە بانکەکان بە هەزار و510 دینار دەبێت، هەروەها نرخی کۆتایی فرۆشتنی دۆلار بۆ هاووڵاتییانیش بە هەزار و520دینار دەشکێتەوە.