ماکرۆن دەستلەکارکێشانەوەی وەزیری ناوخۆ ڕەتدەکاتەوە

SNN-

لە دوای سەرهەڵدانی شەپۆلێکی توندوتیژی و پێکدادانی خوێناوی لە پەراوێزی خۆپیشاندانەکانی کۆتایی هەفتەدا، دۆخی سیاسی و ئەمنی لە فەرەنسا گەیشتە لووتکەی ئاڵۆزی. ئەم قەیرانە ناچاری کرد کە ئێمانوێل ماکرۆن، سەرۆک کۆماری فەرەنسا، لەژێر گوشارێکی توندی ناوخۆیدا دانی بەوەدا بنێت کە سیستمی سیاسی و ئەمنیی وڵاتەکە ڕووبەڕووی کەموکوڕتی و شکستی گەورە بووەتەوە لە قۆناغی خۆئامادەکردن، پێشبینیکردن و کۆکردنەوەی زانیارییە هەواڵگرییەکاندا.

سەڕەڕای ئەوەی ئەم دانپێدانانە وەک ئاماژەیەک بۆ هەبوونی کێشەی قووڵ لە دەزگا ئەمنییەکاندا لێکدرایەوە، بەڵام کۆشکی ئێلیزێ بە فەرمی هەموو دەنگۆیەکی سەبارەت بە ناچارکردنی وەزیری ناوخۆ (لۆران نونیێز) بۆ دەستلەکارکێشانەوە ڕەتکردەوە. ئەم هەڵوێستە وەک پەیامێکی حکومەت لێک دەدرێتەوە کە پێداگرە لەسەر بەردەوامیی کارەکانی و گرتنەبەری رێوشوێنی توندتر لە داهاتوودا.

لە بەرانبەر ئەم پەرەسەندنە خێرایانەدا، ماکرۆن فەرمانی نوێی دەرکردووە و داوای کردووە لەمەبەدواوە میکانیزم و ستراتیژە مەیدانییەکانی هێزە ئەمنییەکان لە بنەڕەتەوە نوێ بكرێنەوە.

ئامانجی سەرەکی لەم گۆڕانکارییە ئەوەیە کە هێزە ئەمنییەکان پێش لە هەر سیناریۆیەکی تێکدەرانە بگرن و کۆتایی بە دیاردە مەترسیدارەکانی تاڵانکاری و تێکدانی موڵک و ماڵی گشتی بهێنن، پێش ئەوەی دۆخەکە جارێکی تر لە کۆنتڕۆڵ دەرچێت.