” کۆرۆنا لە هەموو گەڕەکەکانی هەولێر بڵاوبۆتەوە”

SNN

هێمن قادر، جێگری پارێزگاری هەولێر رایگەیاند: کۆرۆنا لە هەموو گەڕەکەکاندا بڵاوبووەتەوە و پارێزگاش توانای پشکنینی هەڕەمەکی نەماوە و دەبێ هاووڵاتیان خۆیان بپارێزن.

ئاماژەی بەوەشکرد، دۆخی هەولێر ئاسایی نییە، بەڵام نەگەیشتۆتە ئاستێکی ترسناک، لەکاتی ئێستادا رێژەی پشکنینەکان لە رۆژێکدا 300 پشکنینە، هەر پشکنینێک 100 دۆلاری تێدادەچێت ئەوانیش توانایی ئەو خەرجییەیان نەماوە، بۆیە داوا لە ئەنجوومەنی وەزیران دەکەن لەو پارەیەیی بۆ رووبەڕووبوونەوەی کۆرۆنا تەرخانی کردووە بەشێکی بەر هەولێر بکەوێت.