وێنە: ئاگر زیانی گەورەی بە دارستانێکی داقوق گەیاند

SNN-عیماد جەباری

بەهۆی کەوتنەوەی ئاگر لە دارستانەکەی شناغەی قەزای داقوق، پانتاییەکی زۆر سوتا و زیانی گەورەشی بەباڵندە کێویەکان گەیاند.

سلێمان مەنسور یەکێک لەو کارمەندانەی زۆرترین خزمەتی لە دارستانەکەدا هەیە بە SNNی  راگەیاند: ئاگرەکە زیاتر لە 10 دۆنم زەوی دارستانەکەی سوتاندوە و بەهۆیەوە کۆمەڵێکی زۆر ئاژەڵ و باڵندەی کێوی زیانیان بەرکەوتوە بەتایبەتیش (پۆڕ)  چونکە لەکاتی بەخێوکردنی بەچکەدا بوون، هەروەها دارێکی زۆریش سوتاون.

وتیشی، ئاگرەکە خۆرسک نەبووە، بەڵکو لە زەویەکی تەنیشتیەوە تەشەنەی سەندوە، نازانرێت چی دەستێکی لەپشتە.

دارستانی شناغە لەرۆژئاوای کەرکوک پانتاییەکەی دوو هەزار و 800 دۆنمە و بە دووەم گەورەترین دارستانی عێراق هەژمار دەکرێت، دەیان جۆر ئاژەڵ و باڵندەی کێوی لەخۆ دەگرێت.