بە وێنه.. له گهرمیان 10 كچ ڕۆژانه ههزار دهمامك بۆ هاووڵاتیان دابین دهكهن
SNN-سیروان حهسهن
له گهرمیان 10 كچ له رێگهى پڕۆژهكهیانهوه ڕۆژانه دهمامك و جلوبەرگی پزیشكى بۆ هاووڵاتیان و كارمهندانى تهندروستى دروست دهكهن و سهرپهرشتیارى پڕۆژهكهش دهڵێت لهبهر ئهو ڕهوشهى هاتووهته ئاراوه ئیشى خۆیان ڕاگرتووه و ڕۆژانه ههزار دهمامك دروست دهكهن.
نیگار عومهر سهرپهرشتیارى پڕۆژهكه به SNNی راگهیاند؛ لهسهرهتاى سهرههڵدانى ڤایرۆسی كۆرۆنا وهكو رێكخراوهكهیان “رێكخراوى هاوکاری ئهڵمانى و خانزاد” دهمامك و دهستکێش و پاکژکەرەوە(تهعقیم)مان دهكڕى و به سهر هاووڵاتیان و فهرمانگهكان دابهشمان دهكرد”.
وتیشى: “دواتر بیرمان لهوهكردهوه كه بهوشێوهیه نرخهكهى گران لهسهریان دهكهوێت، بۆیه ستافهكهمان كه 10 كچ دهبن ههستان ئیشى سهرهكى خۆیان كه دوورینى جلوبهرگ و پێداویستى دیكه بوو ڕاگرت و دهستیان كرد به دوورین و ئامادهكردنى دهمامك و جلوبهرگى پزیشكی”.
نیگار ئهوهشى خستهڕوو، له ئێستادا ڕۆژانه ههزار دهمامك و نزیكهى 50 جلى تایبهتى پزیشكیان دهدورن و به پێى پێداویستى له ڕێگهى ستافێكهوه بهسهر فهرمانگه و هاووڵاتیان و ئهو شوێنانهى پێویستیان پێیهتى دابهشى دهكهین و ئهمهش هاوكارییهكى باشه چونكه وهك دهزانن نرخى دهمامك زۆر گران بووە.
رونیشیكردهوه، ئهو پێداویستیانه خۆیان له لایهن رێكخراوهكهیانهوه دابینى دهكهن و له ئێستادا له ههوڵدان بۆ ئهوهى ڕێژهى دهمامك و جلوبهرگى پزیشكى زیاتر بكهن، چونكه تادێت هاووڵاتیان و فهرمانگهگان زیاتر پێویستیان پێیهتى.
