رووبەڕووبوونەوەی سەربازی لەنێوان سوپای پاسداران و هێزێکی کوردیی روویدا

SNN–

ئێوارەی دوێنێ سێشەممە پێکدادانێکی چەکداری لەنێوان سوپای پاسداران و هێزەکانی یەکێک لە حیزبە کوردستانییەکانی نەیاری حکومەتی ئێران لە نزیک شاری ورمێ روویداوە.

بەپێی هەواڵی پێگەی هەنگاو، ئێوارەی دوێنێ سێشەممە پێکدادانەکە لە نزیک گوندی “کورانە” سەر بە ناوچەی سۆما و بردۆستی پارێزگای ورمێ هاتووەتە ئاراوە.

سەرچاوەکانی هەنگاو رایانگەیاندووە، کە لانیکەم سێ سەربازی سوپای پاسداران لەو شەڕەدا کوژراون و گوندی کوران لەلایەن سوپای پاسدارانەوە گەمارۆ دراوە و بەردەوام هێزی زیاتر ڕەوانەی ناوچەکە دەکرێت.

هیچ حیزبێکی کوردستانی رۆژهەڵات پەرپرسیارێتی ئەو رووبەڕووبوونەوەیەی نەگرتۆتە ئەستۆ و میدیاکانی حکومەتی ئێرانیش هیچ زانیارییەکیان لەوبارەوە بڵاو نەکردووەتەوە.
هاوکات زانیارییەکانی هەنگاو باس لەوە دەکەن کە چەندین هێلیکۆپتەر لە پارێزگای ورمێ-وە چوون بۆ شوێنی رووداوەکە و هەموو جۆرە هاتووچۆیەک لەو ناوچەیە قەدەغە کراوە.