بەهۆی سێلفی گرتن لەگەڵ لاشەیان دوو ئەفسەری پۆلیسی بەریتانی دادگاییدەکرێن

SNN-

دادگای بەریتانیا دوو ئەفسەری پۆلیس دەستگیر دەکات بەهۆی ئەوەی سووکایەتییان بە لاشەی دوو کچە قوربانی کردووە کە پیشتر بەچەقۆ هەردووکیانی کوشتووە.

سایتی فۆکسنیوز بڵاویکردۆتەوە، ئەو دوو ئەفسەرە چوون سێڵفی-یان لەگەڵ تەرمی قوربانییەکان گرتووە و پاش ئەوە هەردووکیان لەکارەکانیان دوورخراونەتەوە تا رۆژی دادگاییکردنی.

خانەوادەی قوربانییەکە ترسی لەوە هەیە وێنەکانی ئەو دوو کچە کوژراوە بەتۆڕی ئینتەرنێتدا بڵاوببێتەوە و بۆ مەبەستی تر بەکاربهێنرێن.

نیکۆڵ سمۆڵمان و بیبا هێنری ئەو دوو کچەن کە رۆژی 6ی ئەم مانگە بەکوژراویی لەناو باخی ماڵەکەیان دۆزرانەوە، مینا سمۆڵمانی دایکیان دەڵێت: “بڵاوکردنەوەی وێنە لەگەڵ تەرمی کچەکانم زۆر تووڕەی کردین”.

پۆلیسی بەریتانی دەڵێت: “بکوژەکەی نیکۆڵ-ی 27 ساڵ و بیبا-ی 46 ساڵ تائێستا دەستگیر نەکراوە، هاوکات هێشتا روون نەبۆتەوە کە بۆچی ئەو کارەی کردووە”.