یانەی بەرشەلۆنە نرخی هەڵوەشانەوەی گرێبەستی لاوتارۆ نادات

SNN Sport

یانەی بەرشەلۆنەی ئیسپانی  لە ئێستادا ناتوانێت نرخی هەڵوەشانەوەی گرێبەستی لاوتارۆ مارتینێزی هێرشبەری یانەی ئینتەرمیلان بدات، ئەمەش بەهۆی ئەوەی ئەو یانەیە تا ئەمڕۆ 7ی تەمووز دەتوانێت گرێبەستی لاوتارۆ مارتینێز هەڵبوەشێنێتەوە کە بڕی 111 ملیۆن یۆرۆیەو لە ئێستاشدا یانە کەتەلۆنیەکە هیچ ئامادەکارییەکی بۆ شکانی نەکردووە.

رۆژنامەی سپۆرت بڵاویکردووەتەوە،  ئێستا یانەی ئینتەرمیلان  دەیانەوێت 90 ملیۆن یۆرۆ لەگەڵ یاریزانێکی بەرشەلۆنە لە پێناو بەدەستهێنانی لاوتارۆ مارتینێز بەدەست بهێنن و یانە کەتەلۆنیەکە لە گفتوگۆی بەردەوام دەبێت بۆ گواستنەوەی ئەو یاریزانە پاش ئەوەی لە ماوەی رابردوو نەیتوانی نرخی هەڵوەشانەوەی گرێبەستی ئەو یاریزانە ئەرجەنتینییە بدات.

رۆژنامەکە ئاشکرای دەکات یانەی بەرشەلۆنە لەگەڵ ئەم یاریزانە رێککەوتووە بە گرێبەستێکی  5 ساڵ و بە مووچەی 12 ملیۆن یۆرۆ لە ساڵێکدا گرێبەستەکە لە مانگی ئابی داهاتوو ئەنجام بدرێت بە بێ گەڕانەوە بۆ شکانی گرێبەستی و دەبێت رێککەوتنیش لەگەڵ ئینتەرمیلان بکات رازی بکات بە فرۆشتنی ئەستێرەکەی.