بە فەرمانی قوباد تاڵهبانى دەروازەی باشماخ بۆ ماوهى 24 كاتژمێر داخرا
قوباد تاڵهبانى، جێگرى سهرۆكى حكومهتى ههرێم
SNN – عهلى حهمهسهعید
بەهۆی هاتنی بەلێشاوی دەروێش و موریدانی تەریقەتی قادری لەڕێگەی دەروازەی باشماخەوە بۆ ناو سنووری هەرێمی کوردستان، بە فەرمانی جێگری سەرۆکی حکومەتی هەرێم بۆ ماوەی 24 کاتژمێر هەموو جوڵەیەک وەستێنراوە و دەروازەکەش داخراوە.
لیوا مهریوان شێخ كهمال، سهرپهرشتیارى مهرزى نێودهوڵهتى باشماخ به (SNN) راگهیاند: “به فهرمانى قوباد تاڵهبانى، جێگرى سهرۆكى حكومهتى ههرێم، له كاتژمێر 5:00ى ئێوارهى ئهمڕۆوه بۆ ماوهى 24 كاتژمێر مهرزى نێودهوڵهتى باشماخ به رووى ههموو جموجۆڵێكدا داخرا”.
وتیشى: “به مهبهستى ئاسایی كردنهوهى ئهو دۆخهى بههۆى هاتنى دهروێشان و موریدانى تهریقهتى قادرى رووى له مهرزهكه كردووه، جێگرى سهرۆكى حكومهت ئهو بڕیارهى داوه، لاى خۆشمانهوه لایهنى ئێرانمان له داخستنى مهرزهكه ئاگادار كردووهتهوه بۆ ئهوهى ئهوانیش رێكارى پێویست بگرنهبهر”.
سهرپهرشتیارى مهرزى نێودهوڵهتى باشماخ ئاماژهى بهوهشكرد: “بههۆى هاتنى دهروێشهكانهوه هیچ زهرهر و زیانێك بهر مهرزهكه نهكهوتووه وهك ئهوهى باسى لێوهدهكرێت”.
ئهمڕۆ پێنجشهممه بە مەبەستی بەشداریكردن لە پرسە و بەخاكسپاردنی (شێخ محەمەد) رابەری تەریقەتی قادری، بە هەزاران دەروێش لە رۆژهەڵاتی كوردستانەوە و لەڕێگەی مەرزی باشماخەوە بە بێ پشكنین هاتنه ناو خاكى باشووری کوردستان.
