زانایان لەبارەی کۆرۆناوە هۆشداری دەدەنە ئەوانەی تەمەنیان لەنێوان 18 – 25 ساڵیدایە

SNN-

توێژینەوەیەکی نوێی زانایانی زانکۆی (سانفرانسیسکۆ بینیوف) دەریخستووە، یەکێک لە هەر سێ لاوی تەمەن 18 – 25 ساڵ هەڕەشەیەکی گەورەی لەسەرە بەهۆی ڤایرۆسی کۆرۆناوە، پێچەوانەی ئەو دەنگۆیانەی پێیانوایە گەنجان کۆرۆنا پێیان ناوێرێت.

توێژینەوەی ئەو زانایانە کە گۆڤاری (زە جۆرناڵ ئۆف ئیدیلسنت هێڵس) بڵاویکردۆتەوە دەڵێت: “سامپڵیان لە 8400 لاو وەرگرتووە لەهەردوو رەگەز کە تەمەنیان لەنێوان 18 – 25 ساڵ بووە”.

توێژینەوەکە دەریخستووە کە لەکۆی هەر 100 هەزار کەسێک 128 بەتەمەنی سەروو 65 ساڵ چۆتە نەخۆشخانە و خەوێنراوە، لەکاتێکدا بۆ هەر 100 هەزار کەسێک 9 حاڵەتی کەوتن لەنەخۆشخانە هەبووە لەنێوان گەنجان لە تەمەنی 18 – 25 ساڵیدا”.

توێژینەوەکە دەڵێت: “ئەو گەنجانەی نەخۆشییەکانی دڵ و شەکرە و رەبۆ و هەوی جومگەیان هەیە، یان قەڵەون و نەخۆشی جگەریان هەیە، زۆرترین مەترسییان لەسەرە کە کۆرۆرنا زەفەریان پێبەرێت”.

زاناکان دەشڵێن: “لەوان جێ مەترسی تر، ئەو گەنجانەن کە جگەرەکێشن و نێرگەلە و جگەرەی ئەلیکترۆنی دەکێشن، چونکە بە تووشبوونیان بەکۆرۆنا راستەوخۆ دەبێت بخرێنە ژێر ئامێری هەناسەدانی دەستکردەوە، کە ژیانی زۆربەیان لەوکاتەدا بە مردن کۆتایی دێت”.