کچە ئەفریقییەک شوێنی پەیکەری کۆیلە فرۆشەکە دەگرێتەوە

SNN–

پەیکەری کچە ئەفریقییەکی خۆپیشاندەر کە دەستی بەرز کردۆتەوە بۆ ئاسمان، شوێنی ئیدوارد کۆلیستۆن بازرگانە کۆیلەچییەکە دەگرێتەوە کە مانگی رابردوو لەشاری بریستۆل شکاندیان و هەڵیاندایە ناو رووبارێکەوە.

دوای کوژرانی جۆرج فلۆید رەشپێستە ئەمریکییەکە، خۆپیشاندەرانی شاری بریستۆلی بەریتانی پەیکەری ئەو بازرگانەی سەدەی 17 یان هەڵدایە ناو ئاوەوە.

کۆلیستۆن لەو سەردەمەدا کۆیلە و کەنیزەکی لەکیشوەری ئەفریقاوە بەرەو ئەوروپا هێناوە و لەوڵاتان بەپارە فرۆشتوونێتییەوە و خۆی پێ دەوڵەمەند کردووە.

رۆژنامەی گاردیان-ی بەریتانی نووسیوێتی “تیمێک کە مارک کوینی پەیکەرتاش سەرپەرشتیدەکات، بەرەبەیانی ئەمڕۆ پەیکەری ئەو کیژە ئەفریقییەی داناوە و ناوی نراوە (جین رید) لەشوێنی پەیکەرەکەی کۆلستۆن داناوە”.

پێشتر سادق خان سەرۆکی شارەوانی لەندەن وتی: “لە هەر شەقامێکی شارەکە پەیکەری ئیمپریالیزم بوونی هەبێت، دەیڕووخێنین و لایدەبەین”.

رۆژی 8ی مانگی حوزەیرانی رابردوو لە شاری بریستۆل باشووری رۆژئاوای بەریتانیا خۆپیشاندان دژ بە رەگەزپەرستی بەڕێوەچوو، خۆپیشاندەران پەیكەری ئیدوارد كۆلستۆن، كە بازرگانی كۆیلایەتی بوو لە سەدەی 17دا، شكاند و دواتر فڕێیاندایە ناو ئاوی رووبارێكی شارەكە و شوێنی پەیكەرەكەیان كرد بە سەكۆی قسەكردنیان.